שטייענדיג אין א שרעקליכע מצב מלחמה וואס פלאקערט אין די מיטל מזרח, און שטעלט א ערנסטע געפאר אויף אחינו בני ישראל בארץ הקודש, גרייט מען זיך אריינצוטרעטן אינעם יום המסוגל פון תענית אסתר, אויסצונוצן דעם טאג בתפילה ומעשים טובים, צו מעורר זיין רחמים אין דעם שווערן זמן.
מטעם בית דין צדק העדה החרדית בעיר הקודש ירושלים איז ארויסגעשטעלט געווארן א קול קורא צו כלל ישראל איבער די וועלט, צו מתפלל זיין אין דעם גרויסן טאג לביטול רוע הגזירה. בעפאר מנחה זאל יעדער אויסזאגן אכצן קאפיטלעך תהלים פון ספר רביעי, און די קאפיטל פון למנצח על אילת השחר.
אין די זעלבע צייט האבן פילע גדולי ישראל איבערגעגעבן די הוראת הקודש וואס איז נוגע אין די יעצטיגע שעת מלחמה, צו מיטן לאזן אפן די מוסדות התורה אין ארץ ישראל אדער פארמאכן, איבער די בעפארשטייענדע יו"ט פורים וויאזוי מען זאל זיך פירן און דאס גלייכן.
