כ"ק אדמו"ר מביאלא שליט"א לאזט זיך היינט ארויס אויף א לענגערע מסע הקודש קיין אמעריקע, אויפצוטרייבן גרויסע געלטער למען החזקת מוסדותיו הקדושים בארץ הקודש, די קומענדיגע וואך וועט זיך דער רבי אויפהאלטן אין לעיקוואד, און ארויפגיין לבתי נגידים ושועים אויף מסיבות און באנקעטן.
היינט ט"ו טבת געפאלט די יומא דהילולא קדישא פון כ"ק אדמו"ר מנדבורנא זצ"ל בעל דבר חיים, נכדו כ"ק אדמו"ר מנדבורנא שליט"א וועט ארויפגיין צום ציון הק' אויפן הר הזיתים צוויי אזייגער נאכמיטאג בראש קהל חסידיו.
שמחת בית פשעווארסק: עס איז געשלאסן געווארן די שידוך פון א אור אייניקל ביי כ"ק אדמו"ר מפשעווארסק שליט"א, אייניקל פון זיין זון הגה"צ ר' שמואל שמעלקא לייזער שליט"א, די חתן א זון פון זיין זון הרב שמעון שלמה לייזער שליט"א, מיט די כלה א טאכטער פון הגה"צ ר' יהודה פרענקל שליט"א אב"ד זלאטשוב ב"ב, זון פון הגה"צ ר' סיני מאיר פרענקל שליט"א גאב"ד יבניאל, און איידעם ביי הגה"צ ר' ליפא רייך שליט"א, אייניקל פון כ"ק אדמו"ר מצאנז זימיגראד זצ"ל בעל ארי' שאג.
היינט קומט פאר די שמחת הברית פון א אור אייניקל ביי כ"ק אדמו"ר מערלוי שליט"א, אייניקל פון בנו יחידו הגה"צ ר' שלום צבי סופר שליט"א, איידעם ביי כ"ק אדמו"ר מקוסוב וויזניץ שליט"א, בן הנולד ביי זיין זון הרב משולם ישכר סופר שליט"א, איידעם ביי הגה"צ ר' שמעון שמואל האלבערשטאם שליט"א אבד"ק דברי משה, איידעם ביי הגה"צ ר' יקותיאל ליבערמאן שליט"א רב חסידי סאדיגורא ירושלים. – די שמחה קומט פאר אין ביהמ"ד הגדול ערלוי אין די קטמון געגנט אין ירושלים.
היינט קומט פאר די שמחת הברית פון א אייניקל ביי כ"ק אדמו"ר מקוידינוב שליט"א, איידעם ביי כ"ק אדמו"ר מנאראל שליט"א, בן הנולד ביי זיין זון הרב אברהם יהושע העשיל עהרליך שליט"א, איידעם ביי כ"ק אדמו"ר מלייפניק שליט"א. – די שמחה קומט פאר אין ביהמ"ד קוידינוב אין בני ברק.
היינט קומט פאר די שמחת השבע ברכות פון א אייניקל ביי כ"ק אדמו"ר מסלונים שליט"א, די כלה א טאכטער פון בנו הצעיר הגה"צ ר' מרדכי ברזובסקי שליט"א, איידעם ביי כ"ק אדמו"ר מבאסטאן שליט"א, מיט די חתן א זון פון הרב יהושע ווילהעלם שליט"א ראה"כ מנחם ציון, זון פון הרה"ג ר' נחמן יוסף ווילהעלם שליט"א מראשי ישיבת חזון נחום, און איידעם ביי הרה"ג ר' אשר טענענבוים זצ"ל רב שכונת גבעת שאול. – די שמחת השבע ברכות קומט פאר אין ביהמ"ד זרע לוי באסטאן אין ביתר.
היינט קומט פאר די שמחת החתונה פונעם חתן א זון פון הרב יהודה יצחק אלי' בינעטה שליט"א, זון פון הרה"ג ר' משה שמעון בינעטה שליט"א דומ"ץ ביהמ"ד זכרון יעקב יצחק דחסידי בעלזא אין מאנסי, מיט די כלה א טאכטער פון הרה"ג ר' דוד פאללאק שליט"א אב"ד חוסט, זון פון הגה"צ אבד"ק בראשוב שליט"א, און איידעם ביי כ"ק אדמו"ר מחוסט זצ"ל. – די שמחת החתונה קומט פאר אין זאל תפארת מרדכי אין בארא פארק.
היינט קומט פאר די שמחת הבר מצוה פון א אייניקל ביי כ"ק אדמו"ר מטעמעשוואר שליט"א, א זון פון זיין זון הגה"צ ר' יצחק מאיר לייפער שליט"א, איידעם ביי הגה"צ ר' נפתלי מענדלאוויטש שליט"א אב"ד טורקא. – די שמחה קומט פאר אין ערלויער זאל אויף רחוב מהרש"ל אין בני ברק.
אריינצושיקן מודעות און נייעס, שיקט אן אימעיל צו NEWS@JDNMAIL.COM
