היינט קומט פאר די גרויסע מעמד כינוס חסידי סאטמאר אין מאנטריאל, צום גמר המקח פון די נייע בנין התלמוד תורה, און חגיגת סיום מסכת שבת במסגרת הלימוד תורתך שעשועי דחסידי סאטמאר, עס קומט פאר אין די פראכטפולע זאל פון ארמון פלאזא אין מאנטריאל, אין שפיץ פון כ"ק אדמו"ר מסאטמאר שליט"א וועלכער איז נעכטן אנגעקומען צוגאסט אין שטאט לרגל די הרחבת גבולי הקדושה. היינט אינדערפרי נאך שחרית אין ביהמ"ד סאטמאר אין מאנטריאל וועט פארקומען א מעמד קבלת פנים דורך די ילדי הת"ת, און שפעטער נאכמיטאג וועט פארקומען די מעמד החומש סעודה פאר די ילדי כתה א' אין ת"ת אין די נייע בנין התלמוד תורה.
היינט קומט פאר א גרויסע מעמד כבוד התורה אין קווינס, לכבודם פון די גדולי הדור אין ארץ ישראל וואס זענען אנגעקומען צוגאסט קיין ניו יארק לטובת דעם קרן עולם התורה בארה"ק, די מעמד קומט פאר אין ישיבה חפץ חיים אין קווינס. שפעטער ביינאכט וועט פארקומען א ספעציעלע צוזאמקום פאר עלטערע מיידלעך אין די בעלווארקס סטאדיום אין ניו דזשערזי, וואו די גדולי הדור וועלן אויפטרעטן מיט דברי ברכה.
היינט קומט פאר די מעמד החומש סעודה פאר די ילדי כתה א' אין ת"ת קרית וויזניץ בני ברק, עס קומט פאר אין זאל בית וויזניץ בבנין ביהמ"ד הגדול אין קרית וויזניץ בני ברק.
היינט ב' דראש חודש תמוז געפאלט די יומא דהילולא קדישא פון הרה"ק דער ערשטער באבובער רב זי"ע, נכדו כ"ק אדמו"ר מבאבוב שליט"א וועט אפרעכטן די יארצייט טיש אין ביהמ"ד הגדול באבוב אין בארא פארק.
היינט נאכט ב' תמוז געפאלט די יומא דהילולא קדישא פון כ"ק אדמו"ר מדעעש זצ"ל בעל אמרי צבי, בנו הגדול כ"ק אדמו"ר מדעעש שליט"א וועט אפרעכטן די יארצייט טיש היינט אויפדערנאכט בבית מדרשו אין בני ברק.
כ"ק אדמו"ר מבאבוב 45 שליט"א לאזט זיך היינט ארויס אויף א קורצע מסע הקודש קיין לאנדאן, צו באשיינען די מעמד הנחת אבן הפינה פאר די נייע ביהמ"ד דחסידי באבוב 45 אויף קלעפטאן קאממאן.
כ"ק אדמו"ר מתולדות אהרן שליט"א לאזט זיך היינט ארויס אויפן וועג קיין אונגארן, וואו דער רבי שליט"א וועט זיך אויפהאלטן אין לויף פון די זוממער וואכן אויף אפרוה, אינעם שטעטל טליא נעבן קערעסטיר.
כ"ק אדמו"ר מראחמיסטריווקא שליט"א קומט היינט אן צוגאסט קיין ניו יארק, צו באגלייטן די מסע הקודש פון די גדולי הדור בארה"ק, לטובת די קרן עולם התורה.
כ"ק אדמו"ר מדאראג שליט"א קומט היינט אן קיין דאוואס שווייץ, וואו דער רבי שליט"א וועט זיך אויפהאלטן די קומענדיגע צוויי וואכן אויף אפרוה.
כ"ק אדמו"ר מסאסוב שליט"א וועלכער איז צוגאסט די טעג אין ניו יארק לטובת מוסדותיו הקדושים, וועט היינט ארויספארן אויף א בליץ באזוך קיין מאנטריאל ביז מארגן מיטוואך, און אויפנעמען דעם ציבור חסידים אין שטוב פון הר"ר עדן אבוחצירא הי"ו.
כ"ק אדמו"ר מטאהש שליט"א וועט היינט נאכמיטאג אפרעכטן שולחנו הטהור לכבוד ראש חודש, בהיכל ביהמ"ד הגדול אין קרית טאהש.
היינט קומט פאר די מעמד הכנסת ספר תורה וואס ווערט אריינגעגעבן צום ביהמ"ד קדושת שמואל צבי קארלין לעלוב אין בני ברק, לע"נ כ"ק אדמו"ר מקארלין לעלוב זצ"ל.
שמחת בית ספינקא – ראחמיסטריווקא: עס איז געשלאסן געווארן די שידוך פונעם חתן א זון פון הגה"צ ר' יוחנן טווערסקי שליט"א, זון פון הגה"צ ר' מרדכי טווערסקי זצ"ל בנו הגדול פון כ"ק אדמו"ר מראחמיסטריווקא זצ"ל, און איידעם ביי הגה"צ ר' נחמן יוסף טווערסקי שליט"א פון ירושלים, מיט די כלה א טאכטער פון הגה"צ ר' יצחק טווערסקי שליט"א, זון פון הגה"צ ר' יענקעלע טווערסקי שליט"א מראחמיסטריווקא, און איידעם ביי כ"ק אדמו"ר מספינקא שליט"א פון בני ברק.
עס איז געשלאסן געווארן די שידוך פון א אייניקל ביי כ"ק אדמו"ר מהאדאס שליט"א, די חתן א זון פון זיין זון הגה"צ ר' מרדכי יהודה פיש שליט"א, איידעם ביי הגה"צ אבד"ק וואדקערט שליט"א, מיט די כלה א טאכטער פון הגה"צ ר' ישראל יצחק אייזיק לאבין שליט"א מזידטשויב, איידעם ביי הגה"צ ר' יקותיאל משה שמחה שליט"א.
עס איז געשלאסן געווארן די שידוך פונעם חתן א זון פון הגה"צ ר' לייבוש שמערלער שליט"א, זון פון הגה"צ ר' יעקב ישראל שמערלער שליט"א ראה"כ קרית צאנז נתני', זון פון הגה"צ ר' אליהו שמואל שמערלער זצ"ל ראש ישיבת צאנז, און איידעם ביי כ"ק אדמו"ר מסטראפקוב זצ"ל, מיט די כלה א טאכטער פון הגה"צ ר' שלום אבערלענדער שליט"א, זון פון הגה"צ אבד"ק ווילעדניק שליט"א, און איידעם ביי הגה"צ ר' אפרים פישל מוטצען שליט"א גאב"ד קרית הבעש"ט פתח תקוה, איידעם ביי כ"ק אדמו"ר מצאנז קלויזענבורג זצ"ל.
היינט קומט פאר די שמחת החתונה פונעם חתן א זון פון הגה"צ ר' ישכר בעריש שנעעבאלג שליט"א אב"ד זידטשויב ביתר, זון פון כ"ק אדמו"ר מזידטשויב באר שבע שליט"א, און איידעם ביי כ"ק אדמו"ר מנדבורנא חיפה שליט"א, מיט די כלה א טאכטער פון הגה"צ ר' יוסף מאיר כהנא שליט"א, זון פון כ"ק אדמו"ר מספינקא ירושלים שליט"א, און איידעם ביי הגה"צ ר' יצחק שלום שיינפעלד שליט"א אדמו"ר מקאסאן ירושלים. – די שמחת החתונה קומט פאר אין די פריימאן זאל אין ביתר.
היינט קומט פאר די שמחת החתונה פונעם חתן א זון פון הגה"צ ר' אברהם חיים שטיינווארצל שליט"א אבד"ק מטה אפרים וראש ישיבת שערי יושר, מיט די כלה א טאכטער פון הרה"ג ר' אורי בלום שליט"א ראה"כ בית חיים יהושע, זון פון הרה"ג ר' חיים דוד בלום שליט"א ר"ם בישיבת באבוב. – די שמחת החתונה קומט פאר אין זאל תפארת מרדכי אין בארא פארק.
היינט קומט פאר די שמחת החתונה פונעם חתן א זון פון הגה"צ ר' יעקב משה לעבאוויטש שליט"א אבד"ק וראש ישיבת בית הלל, זון פון כ"ק גאב"ד וואודרידזש שליט"א, און איידעם ביי כ"ק אדמו"ר מקאשוי זצ"ל בעל שיח חיים, מיט די כלה א טאכטער פון הרב הערשל מאנן שליט"א. – די שמחת החתונה קומט פאר אין זאל עטרת טשארנא אין מאנסי.
היינט קומט פאר די סעודת עניים לקראת די שמחת החתונה פון א אייניקל ביי כ"ק אדמו"ר מבורשטין שליט"א, אין ביהמ"ד בורשטין אין בארא פארק.
אריינצושיקן מודעות און נייעס, שיקט אן אימעיל צו NEWS@JDNMAIL.COM
