מטעם בית כ"ק אדמו"ר מוויזניץ שליט"א לרפו"ש איז היינט געווארן ארויסגעשטעלט א הייסע ביטע צום ציבור חסידים, צו מעתיר זיין און מעורר זיין רחמי שמים למען בריאותו השלימה פונעם רבי'ן שליט"א, וועלכער איז ליידער ערנסט אפגעשוואכט די לעצטע פאר טעג.
לויט די ארגינעלע פלענער האט דער רבי שליט"א געזאלט אריבערגיין היינט פארשידענע באהאנדלונגען אין די הדסה שפיטאל, אין די סעריע באהאנדלונגען וואס דער רבי שליט"א גייט אריבער מיטן האפענונג צו היילן דעם רבי'ן פון די ביטערע מחלה ה"י, אבער ליידער איז דער רבי געווען צו שוואך צו קענען נעמען די באהאנדלונגען, און דעריבער איז עס געווארן אפגעשטופט אויף דערווייל.
דער רבי שליט"א געפונט זיך אצינד במעון הנופש אין מושב אורה נעבן ירושלים, און איז אנגעוואנדן אויף תפילות ישראל אז ער זאל צוריקקומען צו די כוחות און ווייטער קענען משפיע זיין פאר עדת צאן מרעיתו און גאנץ כלל ישראל, אין אלע בתי מדרשים, מוסדות התורה און היכלי הכוללים דחסידי וויזניץ איבער די וועלט, קומען היינט פאר מניני תהלים לרפואתו פונעם רבי'ן, כ"ק מרן ישראל בן לאה אסתר בתוך שאר חולי ישראל.
