נאך עטליכע וואכן וואס הגאון המקובל רבי דוב קוק שליט"א פון טבריה געפונט זיך ל"ע אין א שווערן געזונט צושטאנד אין די פוריה שפיטאל, האט מען אין די טעג צוגעגעבן א נאמען פארן גאון אלס א זכות פאר א רפואה.
ווי באקאנט איז דער גאון שפיטאליזירט שוין עטליכע וואכן, זייענדיג אנגעוואנדן אויף הילף פון מאשינען צו קענען אטעמען, אין די צייט וואס אידישע קינדער טוען כסדר מתפלל זיין לרפואתו, און מערערע עצרות תפילה זענען שוין פארגעקומען אויסצובעטן א רפואה פארן גאון.
די בני המשפחה פונעם גאון האבן זיך דורכגערעדט מיט הגאון הגדול המשגיח רבי דן סגל שליט"א, וועלכער האט איבערגעגעבן דעת קדשו אז מען זאל צולייגן דעם נאמען "חזקיהו", נאכן זיך דורכרעדן מיטן גרויסן שווער פונעם גאון, הגאון הגדול רבי יצחק זילבערשטיין שליט"א, האט מען טאקע צוגעגעבן דעם נאמען "חזקיהו", מיט א תפילה אז מרן הגאון "חזקיהו דוב הכהן בן שושנה" זאל האבן א גאנצע רפואה במהרה, בתוך שאר חולי ישראל.
