אידישע קינדער איבער די וועלט טוען ווייטער מתפלל זיין לרפואת הגאון הצדיק המקובל רבי דוב קוק שליט"א פון טבריה, וועלכער געפונט זיך שוין א וואך צייט אין שפיטאל אין א שווערן צושטאנד, און איז אנגעוויזן אויף גרויס רחמי שמים.
פארגאנגענע וואך איז דער רב שליט"א געווארן אריינגעפירט צו די פוריה שפיטאל אין טבריה נאכן ליידן פון א שווערע לונגען אנטצינדונג ל"ע, צוליב די שווערע מצב האט מען געדארפט ארויפלייגן דעם רב אויף א רעספערעיטאר, צו פארגרינגערן דעם אטעם און די אנטצינדונג זאל זיך היילן.
דורכאויס די טעג האט מען געזעהן עטוואס א פארבעסערונג אין די מצב, און מען האט שוין אנגעהויבן טיילווייז אראפצונעמען דעם רעספערעיטאר, אבער ליידער האט זיך די מצב שטארק פארערגערט היינט, און מען האט געמוזט פולקאם צוריקשטעלן דעם רעספערעיטאר, ווען די דאקטוירים ארבעטן אויף פארשידענע וועגן צו סטאביליזירן דעם מצב.
מארגן מיטוואך נאכמיטאג וועט פארקומען א גרויסע עצרת תפילה פארנט פונעם רב'ס שטוב אין טבריה, און אידישע קינדער בכל מקומות מושבותיהם ווערן גערופן צו מתפלל זיין לרפואתו, הגאון רבי דוב בן שושנה בתוך שאר חולי ישראל.
