היינט זונטאג איז ליידער אנטשטאנען א דראסטישע פארערגערונג אינעם מצב הבריאות פון כ"ק אדמו"ר מהורדענקא שליט"א פון מאנטשעסטער, וועלכער געפונט זיך שוין ליידער אין שפיטאל א לענגערע צייט און איז אנגעוואנדן אויף רחמי שמים.
דער רבי שליט"א איז אריבער אן אפעראציע אין שווייץ מיט עטליכע וואכן צוריק, און איז זינט דאן ליידער נאכנישט צוריקגעקומען צו די כוחות, היינט זונטאג האט זיך די מצב גאר שטארק פארערגערט ווען עס האט זיך פארשפרייט א ערנסטע אינפעקציע, און באדראעט דעם רבינ'ס געזונט צושטאנד אויף א שרעקליכן פארנעם.
אידישע קינדער זענען מתפלל לרפואת כ"ק מרן יצחק ארי' בן חנה בתוך שאר חולי ישראל, אזוי אויך איז ארויסגעשטעלט געווארן א מודעה מטעם בית דין צדק העדה החרדית אז מען זאל זאגן תהלים און מעורר זיין רחמי שמים לרפואתו השלימה פונעם הורדענקא רבי'ן, להחלימו ולרפאותו להחזיקו ולהחיותו בתוך שאר חולי ישראל אמן.
