שמחת בית גור: היינט קומט פאר די שמחת פדיון הבן פון א אור אייניקל ביי כ"ק אדמו"ר מגור שליט"א, אייניקל פון זיין זון הגה"צ ר' שלמה צבי אלתר שליט"א, בן הנולד ביי זיין זון הרב ישראל אלתר שליט"א, איידעם ביי הרב יוחנן רובינשטיין שליט"א, איידעם ביי הגאון החסיד ר' אברהם יוסף אירנשטיין שליט"א משגיח ישיבת גור אין אשדוד. – די שמחה קומט פאר אין ביהמ"ד הגדול גור אין ירושלים.
שמחת בית תולדות אברהם יצחק – קאלוב: עס איז געשלאסן געווארן די שידוך פון א אור אייניקל ביי כ"ק אדמו"ר מתולדות אברהם יצחק שליט"א, אייניקל פון זיין איידעם הגה"צ ר' אליעזר צבי טויב שליט"א אבד"ק קאלוב ביתר, זון פון כ"ק אדמו"ר מקאלוב שליט"א, די חתן א זון פון זיין איידעם הגה"צ ר' יואל טייטלבוים שליט"א, זון פון הגה"צ אבד"ק נעפלעמיץ שליט"א, מיט די כלה א טאכטער פון הגה"צ ר' יעקב דוד האלבערשטאם שליט"א אבד"ק צאנז טשאקאווא, איידעם ביי כ"ק אדמו"ר מלעלוב בראנוביץ זצ"ל.
שמחת בית מאקאווא: עס איז געשלאסן געווארן די שידוך פונעם חתן א זון פון הגה"צ ר' ישעי' יוסף בעק שליט"א, זון פון הגה"צ ר' ברוך בעק שליט"א זון פון הגה"צ גאב"ד מעלבארן זצ"ל, און איידעם ביי הגה"צ ר' יוסף קדיש בראנדסדארפער שליט"א אב"ד קהל חסידים טבריה, מיט די כלה א טאכטער פון הגה"צ ר' משה נתן נטע לעמבערגער שליט"א, זון פון כ"ק גאב"ד מאקאווא שליט"א, און איידעם ביי הגה"צ ר' שלמה האפשטיין שליט"א, איידעם ביי כ"ק אדמו"ר מזוועהיל זצ"ל בעל אור אברהם.
עס איז געשלאסן געווארן די שידוך פונעם חתן א זון פון הגה"צ ר' דוד אייכענשטיין שליט"א, זון פון הגה"צ אבד"ק בערטש שליט"א, און איידעם ביי הגה"צ אבד"ק שטראסבורג שליט"א, מיט די כלה א טאכטער פון הגה"צ ר' ישראל יעקב רובין שליט"א, זון פון הגה"צ ר' יצחק טובי' רובין זצ"ל מציעשנוב, און איידעם ביי הגה"צ ר' ירחמיאל זינגער שליט"א מאלכסנדר.
היינט קומט פאר די מעמד הכנסת ספר תורה וואס ווערט אריינגעגעבן צום ביהמ"ד הגדול אין קרית בעלזא ירושלים, נדבת משפחת אלבוים שיחי', לע"נ הב' החשוב מנחם מענדיל אלבוים ע"ה מטובי התלמידים אין ישיבה לצעירים דחסידי בעלזא, די מעמד קומט פאר אין שפיץ פון כ"ק אדמו"ר מבעלזא שליט"א.
היינט קומט פאר אין לעיקוואד א גרויסע מעמד קבלת פנים פאר די גדולי הדור פון ארץ ישראל, וואס זענען געקומען צו פארן קיין אמעריקע אויפצוטרייבן מיליאנען לטובת קרן עולם התורה, די מעמד קומט פאר אויפן גיגאנטישן פארקינג לאט אויף קליפטאן עוועניו, אין שפיץ פון די גדולי הדור פון ארץ ישראל און די ראשי הישיבות אין לעיקוואד, אינאיינעם מיט אן עצרת תפילה רבתי לחיזוק אחינו בני ישראל בארה"ק.
כ"ק אדמו"ר מסאסוב שליט"א וועלכער איז צוגאסט די טעג אין ניו יארק לטובת מוסדותיו הקדושים, וועט היינט אנקומען קיין קרית יואל אויפצונעמען דעם ציבור, אין שטוב פון הרב החסיד ר' משה יאקאבאוויטש הי"ו.
כ"ק אדמו"ר מקרעטשניף סיגעט וומס"ב שליט"א קומט היינט אן צוגאסט קיין מאנטריאל לטובת מוסדותיו הקדושים, די אכסניא איז אין שטוב פון הנגיד החסיד ר' יעקב דוד אייזדארפער הי"ו.
היינט קומט פאר א גרויסע אסיפה בחצר הקודש ראחמיסטריווקא, פאר אלע בחורי הישיבות זיך צו מחזק זיין קעגן די נסיונות הדור, עס קומט פאר אינעם גרויסן היכל בבנין ת"ת מבקשי השם אין בארא פארק, אין שפיץ פון כ"ק אדמו"ר מראחמיסטריווקא שליט"א.
היינט קומט פאר אן אסיפת חינוך הכנה לימי הקיץ פאר כלל חסידי לעלוב אין בארא פארק, און די הורי התלמידים פון ת"ת ברכת רמ"מ דחסידי לעלוב, עס קומט פאר אין זאל עטרת גאלדא, אין שפיץ פונעם נשיא המוסדות כ"ק אדמו"ר מלעלוב שליט"א.
היינט קומט פאר בחצר הקודש גאלאנטא, די ארימע סעודה לקראת די שמחת החתונה פון א אייניקל ביי כ"ק אדמו"ר מגאלאנטא שליט"א, אינאיינעם מיטן סעודת הילולא לרגל די יארצייט פון הגה"ק בעל אור פני יהושע מגאלאנטא זי"ע, אין ביהמ"ד גאלאנטא אין וויליאמסבורג.
היינט קומט פאר די מעמד כבוד חכמים ינחלו אין ישיבה לצעירים מאחנובקא בעלזא אין שטאט אלעד, סיום מסכת בבא בתרא און מסכת מגילה וואס איז געלערנט געווארן דורך די תלמידי הישיבה, עס קומט פאר אין זאל עוד יוסף חי אין שטאט אלעד, אין שפיץ פון כ"ק אדמו"ר ממאחנובקא בעלזא שליט"א.
היינט קומט פאר די מעמד הקמת המצבה על קברה פון הרבנית ממעזבוזש ע"ה, אשת חבר כ"ק אדמו"ר ממעזבוזש שליט"א, און טאכטער פון הגה"צ רבי מתתיהו סאפרין זצ"ל, זון פון כ"ק אדמו"ר מקאמארנא שליט"א, עס קומט פאר אויפן וויזניצע בית החיים אין בני ברק, נאכגעפאלגט מיט אן עצרת התעוררות אין בית כנסת הרמב"ם אין פתח תקוה.
כ"ק אדמו"ר מקאליב ארה"ק שליט"א וועט היינט אפרעכטן א סעודת הודאה אין ישוב הר שמואל אין ארץ ישראל, לרגל די יום ההצלה פון זקינו כ"ק אדמו"ר הרה"ק מקאליב זצ"ל.
אריינצושיקן מודעות און נייעס, שיקט אן אימעיל צו NEWS@JDNMAIL.COM
