שווערע נייעס קומט ארויס פון דעם סקווירא שטעטל מיט די הארצרייסנדע פטירה פון הילד מתתי' גליק ע"ה, א זון פונעם באקאנטן משמח אלקים ואנשים יבלחט"א ר' פינחס הי"ו.
דאס קינד איז ל"ע אראפגעקלאפט געווארן היינט צופרי דורך א באס אין שיכון סקווירא און ליידער געווען אין א גאר שווערן מצב, ביז די ביטערע בשורה איז אנגעקומען, וכיון ששבת וי אבדה נפש.
די נייעס קומט בלויז איין טאג נאכדעם וואס דאס קינד'ס מאמע האט געבוירן א קינד למז"ט, צולייגנדיג צו דער שוידערליכער טראגעדיע, דעם עת לשמוח וואס ווערט אויסגעטוישט מיט עת לבכות.
די לויה וועט ארויסגיין שפעטער נאכמיטאג אין שיכון סקווירא.
בשורות טובות
