א שווערע טראגעדיע האט פאסירט היינט נאכמיטאג אין בארא פארק, ווען א באוואוינטע הויז איז ארויף אין פלאמען, פארכאפנדיג א עלטערער איד וואס האט געוואוינט דארט, ר' עמרם מזרחי ע"ה אכציג יאר אלט, וועלכער איז ליידער אומגעקומען אין די פייער ה"י.
די פייער האט פאסירט אינעווייניג אין די הויז אויף די זיבן און פערציגסטע סטריט ביי די צוועלפטע עוועניו, פייערלעשער זענען אלארמירט געווארן און האבן געארבעט צו פארלעשן די פלאמען, שפעטער אבער האט זיך אנטפלעקט די שווערע סצענע אז א עלטערער איד איז נפטר געווארן אין די פייער.
