כ"ק אדמו"ר מסאטמאר שליט"א וועט זיך היינט ארויסלאזן אויף א קורצע מסע הקודש קיין אייראפע, צוערשט צום שטאט סיגעט אין ראמעניע צו פוקד זיין דעם ציון הק' פון זקינו הרה"ק בעל קדושת יום טוב זי"ע בעצם יומא דהילולא קדישא.
היינט קומט פאר בחצר הקודש סקווירא די גרויסארטיגע מעמד הודאה וכינוס חסידי סקווירא, צום סיום הקריאה פון די נייע ספר תורה וואס איז אריינגעגעבן געווארן דורך כלל חסידי סקווירא מיט גענוי א יאר צוריק, אין ראם פון די "קדשינו" פראגראם זיך צו מחזק זיין בעניני טעכנעלאגיע און צניעות, די מעמד קומט פאר אין ביהמ"ד הגדול אין שיכון סקווירא.
היינט קומט פאר די יערליכע מלוה מלכה "בהבנותו" לטובת מוסדות סאטמאר אין בארא פארק, אין שפיץ פון כ"ק אדמו"ר מסאטמאר שליט"א.
היינט קומט פאר די יערליכע דינער אין מאנסי לטובת כולל שומרי החומות לצדקת רבי מאיר בעל הנס, אין זאל פון אטריום פלאזא, אין שפיץ פון די אדמור"י ורבני העיר.
היינט קומט פאר די יערליכע מלוה מלכה און כינוס התלמידים שע"י קהל תורת משה יאוואזשנא אין וויליאמסבורג, די מעמד קומט פאר אינעם גרויסן היכל ביהמ"ד אויף ספענסער אין שפיץ פון הגה"צ גאב"ד יאוואזשנא שליט"א.
היינט קומט פאר די יערליכע מלוה מלכה לטובת ביהמ"ד זידטשויב פרעמיסלא אין מאנסי, אין זאל פון ווילחאוויץ, אין שפיץ פון כ"ק אדמו"ר מזידטשויב פרעמיסלא שליט"א.
היינט כ"ח שבט געפאלט די יומא דהילולא קדישא פון הרה"ק רבי מנחם נחום מראחמיסטריווקא זי"ע, די אייניקלעך כ"ק האדמורי"ם מראחמיסטריווקא שליט"א וועלן אפרעכטן די יארצייט טישן און מלוה מלכה'ס ברוב עם.
היינט כ"ח שבט געפאלט די יומא דהילולא קדישא פון כ"ק אדמו"ר מזוועהיל זצ"ל בעל יוקרא דמלכא, די אייניקלעך כ"ק האדמורי"ם מזוועהיל שליט"א וועלן אפרעכטן די יארצייט טישן און מלוה מלכה'ס ברוב עם.
היינט כ"ח שבט געפאלט די יומא דהילולא קדישא פון כ"ק אדמו"ר מזוטשקא זצ"ל בעל מכתם לדוד, די קינדער כ"ק האדמורי"ם מזוטשקא שליט"א וועלן אפרעכטן די יארצייט טישן און מלוה מלכה'ס ברוב עם.
דעם מוצאי שבת כ"ח שבט געפאלט די יומא דהילולא קדישא פון כ"ק אדמו"ר בעל אור הישר מליסקא זצ"ל, בנו כ"ק אדמו"ר מליסקא שליט"א וועט אפרעכטן די יארצייט טיש און מלוה מלכה בבית מדרשו אין בארא פארק.
היינט קומט פאר די שמחת הבר מצוה פון א זון ביי כ"ק אדמו"ר מנעשכיז אשדוד שליט"א, אייניקל פון כ"ק אדמו"ר מפאלטישאן שליט"א. – די שמחה קומט פאר אין ביהמ"ד נעשכיז אין אשדוד.
אריינצושיקן מודעות און נייעס, שיקט אן אימעיל צו NEWS@JDNMAIL.COM
