ווי באריכטעט פארלאפענע וואך, איז כ"ק אדמו"ר מוויזניץ שליט"א לרפואה שלימה ארויסגעפארן נעכטן זונטאג קיין דייטשלאנד, וואו דער רבי איז ערווארטעט אריבערצוגיין א סעריע באהאנדלונגען אין א גרויסע שפיטאל אין מינכען, מיטן האפענונג צו פארבעסערן דעם רבינ'ס געזונט צושטאנד.
נעכטן זונטאג נאך תפילת שחרית איז דער רבי ארויסגעפארן צום לוד לופטפעלד, פון וואו דער רבי האט זיך געהויבן אין א מזל'דיגע שעה מיט א פריוואטע פליגער אונטערוועגנס קיין מינכען דייטשלאנד, אין לופטפעלד פארן ארויספארן האט דער רבי איבערגעגעבן ווארעמע וואונטשן פאר די נדיבים ותומכים וואס געבן גרויסע נדבות פארן רבי'נס צדקה קאסע פון קמחא דפסחא, און דער רבי זעלבסט האט געגעבן א סכום הגון פאר צדקה להצלחה וסייעתא דשמיא.
מארגן דינסטאג אינדערפרי ניין דרייסיג אויף די ארץ ישראל'דיגע זייגער, וועט זיך אנהייבן די מעדיצינישע פראצעדור אין דייטשלאנד מיטן האפענונג אויף די ריכטיגע ווירקונג, אין אלע בתי מדרשים און מוסדות התורה דחסידי וויזניץ וועט מען זיך צוזאמקומען אויף אמירת תהלים ברוב עם, מעתיר זיין בתפילה למען בריאותו השלימה פונעם רבי'ן, כ"ק מרן ישראל בן לאה אסתר זאל האבן א גאנצע רפואה בבריות גופא ונהורא מעליא, עוד ינובון בשיבה דשנים ורעננים יהיו.
