שמחת בית טשערנאביל – צאנז: עס איז געשלאסן געווארן די שידוך פון א אייניקל ביי כ"ק אדמו"ר מטשערנאביל שליט"א, די חתן א זון פון זיין זון הגה"צ ר' משה יהושע טווערסקי שליט"א, איידעם ביי הגה"צ גאב"ד סאטמאר ב"פ שליט"א, מיט די כלה א טאכטער פון כ"ק אדמו"ר מצאנז סטעטן איילענד שליט"א, איידעם ביי כ"ק אדמו"ר מסטריזוב זצ"ל.
עס איז געשלאסן געווארן די שידוך פון א אור אייניקל ביי כ"ק אדמו"ר ממעליץ שליט"א, אייניקל פון זיין זון הגה"צ ר' נפתלי הורוויץ שליט"א אבד"ק זכרון נפתלי, די חתן א זון פון זיין זון הרב ישראל הורוויץ שליט"א, איידעם ביי כ"ק אדמו"ר מקרעטשניף סיגעט זצ"ל, מיט די כלה א טאכטער פון הרב נחמן וואגשאהל שליט"א, זון פון הגה"צ ר' חנה וואגשאהל שליט"א מלאנצוהט, און איידעם ביי הגה"צ אבד"ק מאנטיוואדעא שליט"א.
עס איז געשלאסן געווארן די שידוך פונעם חתן א זון פון הגה"צ ר' חיים הערש טייטלבוים שליט"א, זון פון הגה"צ אבד"ק זענטא שליט"א, און איידעם ביי הגה"צ ר' אלי' גרויס שליט"א מקערעסטיר, מיט די כלה א טאכטער פון הגה"צ ר' אהרן צבי קליינמאן שליט"א אבד"ק מארגארעטען, איידעם ביי הגה"צ ר' מאיר שטערן שליט"א גאב"ד גבעת שאול.
כ"ק אדמו"ר מסאטמאר שליט"א איז צוגאסט אויף דעם שבת אין וויליאמסבורג בקרב חסידיו, די תפילות און טישן קומען פאר אין ביהמ"ד הגדול דקהל יטב לב ד'סאטמאר אויף הופפער סטריט, שבת נאכמיטאג וועט דער רבי שליט"א אויפטרעטן מיט די שבת הגדול דרשה כנהוג, אין די סוגיא פון מצות עשה שהזמן גרמא.
כ"ק אדמו"ר מוויזניץ שליט"א לרפו"ש וועלכער האט זיך נעכטן צוריקגעקערט קיין ארץ ישראל נאכן דורכגיין א מעדיצינישע פראצעדור אין דייטשלאנד, וועט וויילן דעם שבת אויף אפרוה אין מושב אורה נעבן ירושלים.
כ"ק אדמו"ר מסלאנים שליט"א איז צוגאסט אויף דעם שבת אין ירושלים עיה"ק בקרב חסידיו, די תפילות און טישן קומען פאר אין ביהמ"ד הגדול סלאנים אויף רחוב דורש טוב אין די עזרת תורה געגנט.
הגה"צ המשפיע ר' אלימלך בידערמאן שליט"א מלעלוב איז צוגאסט אויף דעם שבת אין שטאט אלעד לכבוד שבת הגדול.
דעם שבת אינדערפרי וועלן חסידי מודזיץ מסיים זיין מסכת פסחים במסגרת הלימוד עמוד הקהילה דחסידי מודזיץ, כ"ק אדמו"ר ממודזיץ שליט"א וועט אפרעכטן א קידושא רבא שבת אינדערפרי נאכן דאווענען לכבוד די סיום, אין ביהמ"ד הגדול מודזיץ אין בני ברק.
דעם מוצאי שבת געפאלט די זעקסטע הילולא קדישא פון כ"ק אדמו"ר מאמשינאוו זצ"ל פון בארא פארק, בנו ממלא מקומו כ"ק אדמו"ר מאמשינאוו ארה"ב שליט"א וועט אפרעכטן די יארצייט טיש און סעודת מלוה מלכה בבית מדרשו אין בארא פארק.
אריינצושיקן מודעות און נייעס, שיקט אן אימעיל צו NEWS@JDNMAIL.COM
