היינט קומט פאר די שמחת הברית פון א אייניקל ביי כ"ק אדמו"ר מוויזניץ שליט"א פון מאנטריאל, בן הנולד ביי זיין איידעם הרב יעקב יוסף האגער שליט"א, זון פון הגה"צ ר' אברהם יהושע העשיל האגער שליט"א, זון פון כ"ק אדמו"ר מוויזניץ שליט"א פון קייאמישע, און איידעם ביי כ"ק אדמו"ר מבארניב שליט"א. – די שמחה קומט פאר אין וויזניצע בית המדרש אין מאנטריאל.
עס איז געשלאסן געווארן די שידוך פון א אייניקל ביי כ"ק אדמו"ר משאץ וויזניץ שליט"א, די חתן א זון פון זיין איידעם הגה"צ ר' אהרן פאללאק שליט"א דומ"ץ טשערנאביל הר יונה, זון פון הגה"צ אבד"ק גרויסווארדיין סטעטן איילענד שליט"א, מיט די כלה א טאכטער פון הגה"צ ר' אשר אנשיל דייטש שליט"א, זון פון הגה"צ גאב"ד חוג חתם סופר פ"ת שליט"א, און איידעם ביי הגה"צ ר' יצחק שלום שיינפעלד שליט"א מקאסאן ירושלים.
עס איז געשלאסן געווארן די שידוך פונעם חתן א זון פון הגה"צ ר' יוסף הערש פאנעט שליט"א, זון פון כ"ק אדמו"ר מקארלסבורג מאנטריאל שליט"א, און איידעם ביי הגה"צ אבד"ק וואדקערט סעמיהאלי זצ"ל, מיט די כלה א טאכטער פון הגה"צ ר' יעקב שמעון שלאגער שליט"א, זון פון הגה"צ ר' יחיאל מיכל שלאגער שליט"א אבד"ק ספינקא לאנדאן, און איידעם ביי הגה"צ ר' הערשל כהנא שליט"א דומ"ץ מכון להוראה, זון פון כ"ק אדמו"ר מספינקא אנטווערפן שליט"א.
קומענדיגן מאנטאג די דריטע טאג חול המועד פסח, קומט פאר א גרויסארטיגע מעמד "מסירת מתנות כהונה" בחצר הקודש סאטמאר, ווען כ"ק אדמו"ר מסאטמאר שליט"א וועט מקיים זיין די זעלטענע מצוה בהידור רב, מיט די באטייליגונג פון טויזענטער חסידים פון איבער גרעיטער ניו יארק און ניו דזשערזי, די מעמד קומט פאר אין ביהמ"ד הגדול אין קרית יואל.
קומענדיגן מאנטאג נאכט די פערטע נאכט חול המועד, וועט כ"ק אדמו"ר מבאבוב 45 שליט"א ווי יאר יערליך אויפטרעטן מיט א שיעור כללי פאר קהל חסידיו, אין ביהמ"ד הגדול באבוב 45 אין בארא פארק.
קומענדיגן זונטאג חול המועד וועט כ"ק אדמו"ר מאלכסנדר שליט"א ארויספארן קיין ירושלים עיה"ק בראש קהל חסידיו, אויף א תפילת רבים ביים הר הצופים מול מקום המוקדש, דערנאך וועט דער רבי אפרעכטן א לחיים טיש בבית מדרשו אויף רחוב אלעזר המכבי.
קומענדיגן זונטאג חול המועד וועט פארקומען די יערליכע כינוס התלמידים דורך התאחדות תלמידי ואוהדי בית יוסף צבי דושינסקיא, אין ביהמ"ד הגדול דושינסקיא אין ירושלים, אין שפיץ פון כ"ק אדמו"ר מדושינסקיא שליט"א.
כ"ק אדמו"ר מסלאנים שליט"א איז צוגאסט אויף יום טוב פסח אין ירושלים עיה"ק בקרב חסידיו, די תפילות און טישן קומען פאר אין ביהמ"ד הגדול סלאנים אויף רחוב דורש טוב.
כ"ק אדמו"ר מסאדיגורא שליט"א איז צוגאסט אויף יום טוב פסח אין אנטווערפן, בבית חותנו הגה"צ ר' אשר חיים שטערנבוך שליט"א רב ביהמ"ד אהל יעקב ודומ"ץ קהל מחזיקי הדת אנטווערפן, די תפילות און טישן דורכאויס יו"ט וועט דער רבי פראווענעם אין טשארטקובער קלויז אין שטאט.
כ"ק אדמו"ר מראחמיסטריווקא שליט"א פון מאנסי וויילט אויף די ערשטע טעג יו"ט פסח אין שיכון סקווירא, בצל הקודש פון חותנו כ"ק אדמו"ר מסקווירא שליט"א.
כ"ק אדמו"ר מזידטשויב פרעמיסלא שליט"א איז צוגאסט אויף יו"ט פסח אין קרית טאהש.
כ"ק אדמו"ר מספינקא מאנסי שליט"א איז צוגאסט אויף יו"ט פסח אין ירושלים עיה"ק, בצל הקודש פון חותנו כ"ק אדמו"ר מתולדות אברהם יצחק שליט"א.
כ"ק אדמו"ר מסאדיגורא לאנדאן שליט"א איז צוגאסט אויף די ערשטע טעג יו"ט פסח אין די סטעמפארד הילל געגנט אין לאנדאן, בבית אמו הרבנית מסאדיגורא תליט"א.
די ערשטע טאג יו"ט פסח געפאלט די יומא דהילולא קדישא פון הגה"ק רבי שמואל הלוי וואזנער זצ"ל בעל שבט הלוי וגאב"ד זכרון מאיר, נכדו כ"ק אדמו"ר משבט הלוי שליט"א וועט אפרעכטן די טיש לכבוד די יארצייט די ערשטע טאג יו"ט נאכמיטאג אין ביהמ"ד הגדול אין שכונת זכרון מאיר בני ברק.
קומענדיגן זונטאג אויפדערנאכט חול המועד פסח געפאלט די יומא דהילולא קדישא פון הרה"ק רבי אהרן הגדול מקארלין זי"ע, כ"ק האדמורי"ם מקארלין סטאלין, פינסק קארלין, און לוצק שליט"א, און נאך פילע אדמורי"ם ורבנים, וועלן אפרעכטן די יארצייט טישן אין די בתי מדרשים.
קומענדיגן מאנטאג אויפדערנאכט חול המועד פסח געפאלט די יומא דהילולא קדישא פון הרה"ק בעל מראה יחזקאל זי"ע, נכדו כ"ק אדמו"ר מדעעש שליט"א וועט אפרעכטן די יארצייט טיש בבית מדרשו אויף רחוב רבי טרפון אין בני ברק.
קומענדיגן זונטאג אויפדערנאכט חול המועד פסח געפאלט די יומא דהילולא קדישא פון הרה"ק רבי שלמה לייב מלענטשנא זי"ע, די אייניקלעך כ"ק האדמורי"ם שליט"א לבית ביאלא וועלן אפרעכטן די יארצייט טישן אין די בתי מדרשים.
כ"ק אדמו"ר מביאלא ב"ב שליט"א וועט אפרעכטן די יארצייט טיש זונטאג אויפדערנאכט בבית מדרשו אין ירושלים עיה"ק, און דערנאך מתפלל זיין ביים שריד בית מקדשינו דער כותל המערבי לכבוד החג.
קומענדיגן זונטאג אויפדערנאכט חול המועד פסח געפאלט די יומא דהילולא קדישא פון כ"ק אדמו"ר מספינקא זצ"ל בעל שיח יעקב יוסף, די קינדער כ"ק האדמורי"ם מספינקא שליט"א וועלן אפרעכטן די יארצייט טישן אין די בתי מדרשים.
קומענדיגע וואך דאנערשטאג אסרו חג פסח אין ארץ ישראל, וועט כ"ק אדמו"ר מבוהוש שליט"א אפרעכטן די יארצייט טיש לרגל די הילולא קדישא פון זקינו הרה"ק בעל פאר ישראל מבוהוש זצ"ל, בבית מדרשו אין בני ברק.
אריינצושיקן מודעות און נייעס, שיקט אן אימעיל צו NEWS@JDNMAIL.COM
