שמחת בית סקווירא – ראחמיסטריווקא: היינט קומט פאר די שמחת הנחת תפילין פון א אור אייניקל ביי כ"ק אדמו"ר מסקווירא שליט"א, אייניקל פון זיין איידעם כ"ק אדמו"ר מראחמיסטריווקא מאנסי שליט"א, א זון פון זיין איידעם הרב צבי אלימלך טווערסקי שליט"א, זון פון הגה"צ ר' חיים יצחק טווערסקי זצ"ל מלויעוו טשערנאביל. – די שמחה קומט פאר אין ביהמ"ד הגדול אין שיכון סקווירא.
שמחת בית צאנז זוועהיל – דזיקוב – קאסאני: היינט קומט פאר די שמחת התנאים פונעם חתן יונגסטע זון פון כ"ק אדמו"ר מצאנז זוועהיל שליט"א, חתנא דבי נשיאה פון כ"ק אדמו"ר מצאנז קלויזענבורג זצ"ל בעל שפע חיים, מיט די כלה א טאכטער פון הגה"צ ר' דוד משה הורוויץ שליט"א, זון פון כ"ק אדמו"ר מדזיקוב מאנסי שליט"א, און איידעם ביי כ"ק אדמו"ר מקאסאני בית שמש שליט"א. – די שמחה קומט פאר אין זאל פון בנות ישראל וויזניץ אויף 229 מעיפל אין מאנסי.
עס איז געשלאסן געווארן די שידוך פון א אייניקל ביי כ"ק אדמו"ר ממשכנות הרועים שליט"א, די חתן א זון פון זיין זון הגה"צ ר' יהושע אשר ראבינאוויטש שליט"א, איידעם ביי הגה"צ ר' אברהם קרויזהאר שליט"א, מיט די כלה א טאכטער פון כ"ק אדמו"ר מראדאשיץ שליט"א רמה ד' בית שמש, איידעם ביי כ"ק אדמו"ר מטשארנאביל שליט"א.
היינט ג' אייר געפאלט די יומא דהילולא קדישא פונעם מופת הדור הרה"ק רבי ישעי'לע קערעסטירער זי"ע, טויזענטער אידן קומען אן צום ציון הק' אין קערעסטיר אונגארן להיפקד בדבר ישועה ורחמים, איבער די גאנצע וועלט וועט געפראוועט ווערן יארצייט סעודות לזכרו הטהור.
היינט נאכט ד' אייר געפאלט די יומא דהילולא קדישא פון כ"ק אדמו"ר הרה"ק בעל אמרי אש ממודזיץ זצ"ל, נכדו כ"ק אדמו"ר ממודזיץ שליט"א וועט אפרעכטן די יארצייט טיש היינט אויפדערנאכט אין ביהמ"ד הגדול מודזיץ אין בני ברק.
היינט קומט פאר א כינוס מספיד והתעוררות אין ביהמ"ד הגדול סאדיגורא אין בני ברק, ככלות השלושים נאך די פטירה פון הרב החסיד ר' אליעזר אברהם עציוני ע"ה, אין שפיץ פון כ"ק אדמו"ר מסאדיגורא שליט"א.
ניחום אבלים:
צו די פטירה פון הרבנית הצדיקת מרת חנה אסתר טווערסקי ע"ה, אלמנת הגה"צ ר' וועלוויל טווערסקי זצ"ל מראחמיסטריווקא, זיצן שבעה די בני המשפחה אין איר שטוב אויף רחוב חנה אין ירושלים, די קינדער הגה"צ ר' דוד טווערסקי שליט"א אבד"ק ראחמיסטריווקא בירושלים עיה"ק, הגה"צ ר' אלטר משה טווערסקי שליט"א אבד"ק ראחמיסטריווקא רמה ד' בית שמש, הרבנית אשת הגה"צ ר' מרדכי טווערסקי זצ"ל מראחמיסטריווקא, הרבנית תליט"א אשת חבר כ"ק אדמו"ר מנדבורנא ירושלים שליט"א, הרבנית אשת הגה"צ ר' אהרן גרינצווייג זצ"ל, הרבנית אשת הגה"צ ר' יהושע זעהוואלד שליט"א אבד"ק אלטשטאט, און הרבנית אשת הגה"צ ר' שמואל דוד שניאורסאן שליט"א משגיח ישיבת טשעבין.
דער זון הגה"צ ר' נחמן יוסף טווערסקי שליט"א אבד"ק זלאטיפאלי זיצט שבעה בבית מדרשו אין מאנסי ביז מארגן דינסטאג אינדערפרי, און פון מיטוואך אינאיינעם מיט די אנדערע געשוויסטער אין ארץ ישראל. די טאכטער הרבנית תליט"א אשת חבר כ"ק אדמו"ר מסקווירא מאנסי שליט"א, זיצט שבעה אין איר שטוב אין מאנסי ביז מארגן דינסטאג אינדערפרי, און פון מיטוואך אין ארץ ישראל.
איר איינציגע שוועסטער הרבנית הצדיקת מקאלוב תליט"א, אשת חבר כ"ק אדמו"ר מקאלוב שליט"א לרפו"ש, זיצט שבעה יעדע נאכט אין איר שטוב אויף פענן סטריט אין וויליאמסבורג.
אריינצושיקן מודעות און נייעס, שיקט אן אימעיל צו NEWS@JDNMAIL.COM
