שמחת בית קרעטשניף י"ם – קאמארנא: עס איז געשלאסן געווארן די שידוך פון א אייניקל ביי כ"ק אדמו"ר מקרעטשניף י"ם שליט"א, די חתן א זון פון זיין איידעם הגה"צ ר' צבי אלימלך שטערן שליט"א, זון פון הגה"צ אבד"ק ראחמיסטריווקא ב"ב שליט"א, מיט די כלה א טאכטער פון הגה"צ ר' ישראל מנחם לעמבערגער שליט"א, זון פון הגה"צ אבד"ק מאקאווא אלעד זצ"ל, און איידעם ביי כ"ק אדמו"ר מקאמארנא שליט"א פון בני ברק. – די שמחה קומט פאר אין ביהמ"ד קאמארנא אויף רחוב דבורה הנביאה אין בני ברק.
היינט קומט פאר די שמחת פדיון הבן פון א אור אייניקל ביי כ"ק אדמו"ר מוויזניץ שליט"א פון קייאמישא, אייניקל פון זיין זון הגה"צ ר' אברהם יהושע העשיל האגער שליט"א, איידעם ביי כ"ק אדמו"ר מבארניב שליט"א, בן הנולד ביי זיין זון הרב יעקב יוסף האגער שליט"א, איידעם ביי כ"ק אדמו"ר מוויזניץ שליט"א פון מאנטריאל. – די שמחה קומט פאר אין ביהמ"ד בית מרדכי וויזניץ קייאמישא אין מאנסי.
כ"ק אדמו"ר מקארלין סטאלין שליט"א וועלכער איז נעכטן אנגעקומען קיין דעטרויט, לרגל די יומא דהילולא קדישא פונעם פעטער הרה"ק רבי יעקב חיים מסטאלין דעטרויט זי"ע, קערט זיך היינט צוריק למעון קדשו אין ארץ ישראל.
כ"ק אדמו"ר מוויזניץ שליט"א פון קייאמישא קומט היינט אן צוגאסט קיין טאראנטא לטובת מוסדותיו הקדושים, די אכסניא איז אין שטוב פון הנגיד החסיד ר' ישראל מאיר מאיראוויטש הי"ו, היינט נאכט קומט פאר א מעמד קבלת פנים לכבודו אין שטוב פון הנגיד החסיד ר' מרדכי איינהארן הי"ו.
כ"ק אדמו"ר מסקווירא מאנסי שליט"א קומט היינט אן צוגאסט קיין ארץ ישראל, צו מנחם אבל זיין בני משפחתו, נאך די פטירה פון זיין שוויגער הרבנית הצדיקת מרת חנה אסתר טווערסקי ע"ה מראחמיסטריווקא.
היינט ו' אייר געפאלט די יומא דהילולא קדישא פון הרה"ק בעל אמרי יוסף מספינקא זי"ע, די אייניקלעך כ"ק האדמורי"ם מספינקא שליט"א וועלן אפרעכטן די יארצייט טישן ברוב עם, פילע אידן וועלן פוקד זיין דעם ציון הק' אויפן בית החיים סגולה אין פתח תקוה.
כ"ק אדמו"ר מתולדות צבי ספינקא שליט"א וועט אפרעכטן די יארצייט טיש היינט פארנאכטס, און שפעטער נאך מעריב וועט פארקומען די מעמד כתיבת האותיות פאר די ספר תורה וואס ווערט אריינגעגעבן צום בנין הכנסת אורחים אין שטאט מאגלניץ קומענדיגע וואך.
היינט ו' אייר געפאלט די יומא דהילולא קדישא פון הרה"ק רבי מנחם מענדיל מסטראפקוב זי"ע בעל דברי מנחם, פילע אידן וועלן פוקד זיין דעם ציון הק' אויפן הר המנוחות, כ"ק אדמו"ר מסטראפקוב שליט"א וועט פוקד זיין דעם ציון הק' צוויי אזייגער מיטאג בראש קהל חסידיו.
היינט קומט פאר די מעמד הכרת הטוב בחצר הקודש סאסוב, אין בעפארברייטונג צום מעמד הכנסת ספר תורה וואס וועט ווערן אריינגעגעבן צום סאסובער בית המדרש אין קרית ישמח משה.
ככלות השלושים צו די פטירה פון הגה"צ ר' פנחס יהודה לובינסקי זצ"ל, חתנא דבי נשיאה פון כ"ק אדמו"ר הרה"ק רבי אברהם שלמה מלעלוב זצ"ל, וועט היינט פארקומען די מעמד הקמת המציבה על קברו אויפן הר המנוחות, און דערנאך אן עצרת הספד אין ביהמ"ד לעלוב אויף רחוב צפניה אין ירושלים.
אריינצושיקן מודעות און נייעס, שיקט אן אימעיל צו NEWS@JDNMAIL.COM
