שמחת בית תולדות אברהם יצחק: היינט קומט פאר די שמחת החתונה פון א אייניקל ביי כ"ק אדמו"ר מתולדות אברהם יצחק שליט"א, די כלה א טאכטער פון זיין זון הגה"צ ר' ישראל קאהן שליט"א אבד"ק תולדות אברהם יצחק ב"פ, איידעם ביי הגה"צ ר' דוד שווימער שליט"א דומ"ץ וויזניץ בית שמש, מיט די חתן א זון פון הגה"צ ר' פנחס יוסף מאריליס שליט"א, איידעם ביי הגה"צ ר' וועלוויל ארנסטר שליט"א אבד"ק מאור חיים ירושלים. – די מעמד קבלת פנים און חופה קומט פאר אין ביהמ"ד הגדול תולדות אברהם יצחק און ירושלים, און די שמחת החתונה קומט פאר אין ביהמ"ד הגדול קארלין סטאלין אין גבעת זאב.
שמחת בית בוהוש – וואסלוי: היינט קומט פאר די שמחת החתונה פון חתן כלה אייניקלעך ביי כ"ק אדמו"ר מבוהוש שליט"א, די חתן א זון פון זיין איידעם הגה"צ ר' חיים דוב היילפערין שליט"א, זון פון כ"ק אדמו"ר מוואסלוי שליט"א, מיט די כלה א טאכטער פון זיין איידעם הגה"צ ר' משה נתן לעמבערגער שליט"א, זון פון הגה"צ אבד"ק מאקאווא ב"ב זצ"ל. – די שמחת החתונה קומט פאר אינעם גרויסן אודיטוריום רמת אלחנן אויף רחוב רבינוב אין בני ברק.
שמחת בית דעעש – לויעוו טשערנאביל: היינט קומט פאר די שמחת החתונה פון א אייניקל ביי כ"ק אדמו"ר מדעעש שליט"א, די חתן א זון פון זיין זון הגה"צ ר' מרדכי פאנעט שליט"א, איידעם ביי כ"ק אדמו"ר מלויעוו טשערנאביל שליט"א, מיט די כלה א טאכטער פון הגה"צ ר' שלמה לייפער שליט"א, זון פון כ"ק אדמו"ר מטעמעשוואר ירושלים זצ"ל, און איידעם ביי הגה"צ ר' משה טובי' גרינצווייג זצ"ל. – די שמחת החתונה קומט פאר אין ווילחאוויץ זאל אין מאנסי.
היינט קומט פאר די שמחת החתונה פון א אייניקל ביי הגה"צ ר' ברוך אברהם הורוויץ שליט"א ראש ישיבת באבוב, די חתן א זון פון זיין איידעם הרב ברוך יוסף וואקסמאן שליט"א, מיט די כלה א טאכטער פון הרב מרדכי יוסף הורוויץ שליט"א, זון פון הגה"צ ר' אבא הורוויץ שליט"א מרבני ק"ק באבוב לאנדאן, איידעם ביי הגה"צ ר' לייבל סטעמפל שליט"א, חתן כלה אייניקלעך פון אדמור"י בית באבוב זי"ע. – די שמחת החתונה קומט פאר אין הייטנער זאל אין בארא פארק.
היינט קומט פאר די שמחת החתונה פונעם חתן א זון פון הגה"צ ר' שאול יחזקאל כהנא שליט"א, זון פון הגה"צ ר' יצחק אייזיק כהנא שליט"א מספינקא ורב ביהמ"ד זכרון ישראל זופניק אין ירושלים, און איידעם ביי הגה"צ ר' משה זאב זארגער שליט"א דומ"ץ סאטמאר ירושלים, מיט די כלה א טאכטער פון הגה"צ ר' יואל פאללאק שליט"א דומ"ץ תולדות אהרן לאנדאן, זון פון הגה"צ אבד"ק נאנאש וומס"ב שליט"א, און איידעם ביי הגה"צ ר' בעריש מייזליש שליט"א מווייטצען לאנדאן. – די שמחת החתונה קומט פאר אין זאל פרדס וויזניץ אין לאנדאן.
שמחת בית וויזניץ – גארליץ – שידלובצא: עס איז געשלאסן געווארן די שידוך פון א אייניקל ביי כ"ק אדמו"ר מוויזניץ שליט"א, די חתן א זון פון זיין איידעם הגה"צ ר' נפתלי צבי טייטלבוים שליט"א, זון פון הגה"צ גאב"ד וואלאווע שליט"א, מיט די כלה א טאכטער פון הגה"צ ר' מתתיהו האלבערשטאם שליט"א, זון פון כ"ק אדמו"ר מגארליץ שליט"א, און איידעם ביי כ"ק אדמו"ר משידלובצא שליט"א.
שמחת בית נדבורנא – ביאלא – גארליץ: עס איז געשלאסן געווארן די שידוך פון א אייניקל ביי כ"ק אדמו"ר מנדבורנא שליט"א, די חתן עלטסטע קינד פון בנו הגדול הגה"צ ר' חיים מרדכי ראזענבוים שליט"א, איידעם ביי כ"ק אדמו"ר מביאלא בני ברק שליט"א, מיט די כלה א טאכטער פון הגה"צ ר' ברוך האלבערשטאם שליט"א, זון פון כ"ק אדמו"ר מגארליץ שליט"א, און איידעם ביי הנגיד החסיד ר' אפרים זלמן בעק הי"ו פון שווייץ.
שמחת בית ספינקא – סטריזוב - ציעשנוב – שטראסבורג: עס איז געשלאסן געווארן די שידוך פון א אייניקל ביי כ"ק אדמו"ר מספינקא שליט"א, די חתן א זון פון זיין איידעם הגה"צ ר' ברוך ארי' לייבוש רובין שליט"א, זון פון הגה"צ אבד"ק ציעשנוב שליט"א, איידעם ביי כ"ק אדמו"ר מסטריזוב שליט"א, מיט די כלה א טאכטער פון הגה"צ ר' מנחם אלי' פריעד שליט"א, זון פון הגה"צ אבד"ק קראסנא זצ"ל, און איידעם ביי הגה"צ אבד"ק שטראסבורג שליט"א.
שמחת בית מאקאווא – שאץ – לעלוב – ראחמיסטריווקא: היינט קומט פאר די שמחת התנאים פונעם חתן א זון פון הגה"צ ר' אפרים שלמה בידערמאן שליט"א, זון פון כ"ק אדמו"ר מלעלוב שליט"א פון בני ברק, און איידעם ביי הגה"צ ר' דוד טווערסקי שליט"א אבד"ק ראחמיסטריווקא ירושלים, מיט די כלה א טאכטער פון הגה"צ ר' חיים מנחם מענדיל לעמבערגער שליט"א, זון פון כ"ק גאב"ד מאקאווא שליט"א, און איידעם ביי כ"ק אדמו"ר משאץ שליט"א פון בני ברק. – די שמחה קומט פאר אין די ברסלבער זאל אויף רחוב שלמה המלך אין בני ברק.
שמחת בית תולדות אהרן: היינט קומט פאר די שמחת השבע ברכות פון א אייניקל ביי כ"ק אדמו"ר מתולדות אהרן שליט"א, די חתן א זון פון בנו הגדול הגה"צ ר' ישראל יוסף קאהן שליט"א ראה"כ באר יוסף, איידעם ביי הרה"ג ר' נטע פערל שליט"א ראה"כ שער השמים, מיט די כלה א טאכטער פון הגה"צ ר' יוסף קאהן שליט"א ראש ישיבת עטרת אברהם, זון פון הגה"צ ר' משה קאהן שליט"א ראש ישיבת תולדות אהרן, און איידעם ביי כ"ק אדמו"ר ממשכנות הרועים שליט"א. – די שמחת השבע ברכות קומט פאר דורך רשת הכוללים באר יוסף, לכבודו פונעם ראש הכולל דער אבי החתן.
היינט קומט פאר די מעמד עם סגולה אינערהאלב קהל עדת יראים וויען אין מאנסי, סיום מסכת גיטין והתחלת מסכת קידושין במסגרת הלימוד ובהם נהגה דחסידי וויען, אין שפיץ פון כ"ק אדמו"ר מוויען שליט"א.
כ"ק אדמו"ר מסערט וויזניץ שליט"א פארט היינט ארויס צום מסע ועידת השותפים אינאיינעם מיט די נגידי ותומכי המוסדות, וואס נעמט אריין א ועידה פון צוויי טעג אין די פראכטפולע בית האלה קאמפלעקס, א תפילת רבים ביים קבר רחל אין בית לחם, און א תפילת רבים ביים מערת המכפלה אין חברון.
כ"ק אדמו"ר מסערדאהעלי שליט"א וועלכער איז נעכטן אנגעקומען אויף א מסע הקודש קיין ארץ ישראל, וועט היינט דורכ'ן טאג מתפלל זיין על קברה פון אמו הרבנית הצדיקת מסאמבאטהעלי ע"ה, אויפן הר המנוחות אין ירושלים עיה"ק.
כ"ק אדמו"ר מלעלוב שליט"א וועלכער האט זיך אויפגעהאלטן די לעצטע וואך צייט אין ארץ ישראל לכבוד יו"ט שבועות, קערט זיך היינט צוריק למעון קדשו אין בארא פארק.
היינט י"א סיון געפאלט די יומא דהילולא קדישא פון הרה"ק רבי יהודה'לע מדזיקוב זצ"ל, פילע אידן וועלן פוקד זיין דעם ציון הק' אויפן ענפיעלד בית החיים אין לאנדאן.
אריינצושיקן מודעות און נייעס, שיקט אן אימעיל צו NEWS@JDNMAIL.COM
