שמחת בית זידטשויב פרעמיסלא – האדאס – ניקלשבורג: היינט קומט פאר די שמחת החתונה פון די כלה א טאכטער פון כ"ק אדמו"ר מזידטשויב פרעמיסלא שליט"א, זון פון כ"ק אדמו"ר מהאדאס שליט"א, און איידעם ביי הגה"צ אבד"ק מאטע סאלקא שליט"א, מיט די חתן א זון פון הגה"צ ר' צבי הירש לאנדא שליט"א, זון פון הגה"צ אבד"ק עדעלין קערעסטיר שליט"א, און איידעם ביי כ"ק אדמו"ר מניקלשבורג שליט"א, אייניקל פון הגה"צ ר' משה יחזקאל לויפער שליט"א אבד"ק זכרון יהודה דזיקוב. – די שמחת החתונה קומט פאר אין זאל פון אטריום פלאזא אין מאנסי.
היינט קומט פאר די שמחת החתונה פון א אייניקל ביי כ"ק אדמו"ר ממעליץ שליט"א, אייניקל פון בנו הגדול הגה"צ ר' ברוך הורוויץ שליט"א דומ"ץ מעליץ, די חתן א זון פון זיין זון הגה"צ ר' משה מנחם הורוויץ שליט"א, מיט די כלה א טאכטער פון הגה"צ ר' יעקב הערש אויש שליט"א, זון פון הגה"צ ר' עמרם אויש שליט"א מלופעני, און איידעם ביי הגה"צ ר' יחיאל וואגשאהל שליט"א אבד"ק תפארת משה. – די שמחת החתונה קומט פאר אין זאל פרדס צבי אין וויליאמסבורג.
היינט קומט פאר די שמחת החתונה פון א אייניקל ביי כ"ק אדמו"ר מאוזרוב שליט"א, די חתן א זון פון זיין זון הגה"צ ר' צבי יצחק בעקער שליט"א, איידעם ביי כ"ק אדמו"ר מאלעסק שליט"א פון ירושלים, מיט די כלה א טאכטער פון הגה"צ ר' אהרן וואזנער שליט"א, זון פון הגה"צ גאב"ד זכרון מאיר זצ"ל בעל מחשבת הלוי, און איידעם ביי הגה"צ גאב"ד לאנדאן שליט"א בעל מנחת אפרים. – די שמחת החתונה קומט פאר אין זאל אור החיים אין ירושלים.
היינט קומט פאר די שמחת החתונה פונעם חתן א זון פון הגה"צ ר' יצחק מאיר באב"ד שליט"א, זון פון הגה"צ ר' יוסף באב"ד שליט"א מלפנים דומ"ץ בעלזא לאנדאן, און איידעם ביי כ"ק אדמו"ר מנדבורנא לאנדאן שליט"א, מיט די כלה א טאכטער פון הגה"צ ר' שמואל דוד גאלדמאן שליט"א גאב"ד זוועהיל, איידעם ביי הגה"צ ר' חיים צבי שפירא שליט"א ראב"ד מחזיקי הדת בעלזא. – די שמחת החתונה קומט פאר אין זאל גאלדען סקיי אין שטאט ביתר.
שמחת בית סקווירא - וויזניץ: היינט קומט פאר די שמחת השבע ברכות פון א אור אייניקל ביי כ"ק אדמו"ר מסקווירא שליט"א, אייניקל פון זיין איידעם הגה"צ ר' יעקב יוסף האגער שליט"א, בנו הגדול פון כ"ק אדמו"ר מוויזניץ שליט"א פון מאנסי, די כלה א טאכטער פון זיין זון הגה"צ ר' חיים מאיר האגער שליט"א רב ביהמ"ד אור מרדכי וויזניץ אין מאנסי, איידעם ביי הגה"צ ר' ישראל אברהם אלטר טויב שליט"א אבד"ק תולדות נפתלי קאלוב ב"פ, מיט די חתן א זון פון הגה"צ ר' זלמן לייב הורוויץ שליט"א דיין אין מכון להוראה, זון פון הגה"צ אבד"ק זאליזשא שליט"א, און איידעם ביי הגה"צ אבד"ק בערמעהט שליט"א. – די שמחת השבע ברכות קומט פאר אין ביהמ"ד הגדול אין שיכון סקווירא.
שמחת בית באבוב: היינט קומט פאר די שמחת השבע ברכות פון א אייניקל ביי כ"ק אדמו"ר מבאבוב שליט"א, די חתן א זון פון זיין זון הגה"צ ר' דוד האלבערשטאם שליט"א, איידעם ביי הגה"צ ר' לייבוש הורוויץ שליט"א מסטריזוב, מיט די כלה א טאכטער פון הרב אהרן עסטרייכער שליט"א. – די שמחת השבע ברכות קומט פאר אין היכל מתיבתא עץ חיים ד'באבוב אין בארא פארק, אינאיינעם מיטן שמחת השבע ברכות פון א אייניקל ביי הגה"צ ר' ברוך אברהם הורוויץ שליט"א ראש ישיבת באבוב.
שמחת בית קאמארנא: היינט קומט פאר די שמחת השבע ברכות פון א אייניקל ביי כ"ק אדמו"ר מקאמארנא שליט"א פון בית שמש, די חתן א זון פון זיין זון הגה"צ ר' ישראל יצחק סאפרין שליט"א, איידעם ביי כ"ק אדמו"ר מאשלג זצ"ל, מיט די כלה א טאכטער פון הגה"צ ר' משה רויטמאן שליט"א רב קהל בני היכלא אין גבעת זאב, זון פון הגה"צ ר' חיים יחיאל רויטמאן זצ"ל חבר הביד"ץ דקהל מחזיקי הדת בעלזא, און איידעם ביי הגה"צ ר' נחמן רוטנער שליט"א אבד"ק חליסה. – די שמחת השבע ברכות קומט פאר אין קאמארנא ביהמ"ד אויף רחוב מרים הנביאה אין בית שמש.
שמחת בית דעעש: היינט קומט פאר די שמחת השבע ברכות פון א אייניקל ביי כ"ק אדמו"ר מדעעש שליט"א, די חתן א זון פון זיין זון הגה"צ ר' מרדכי פאנעט שליט"א, איידעם ביי כ"ק אדמו"ר מלויעוו טשערנאביל שליט"א, מיט די כלה א טאכטער פון הגה"צ ר' שלמה לייפער שליט"א, זון פון כ"ק אדמו"ר מטעמעשוואר ירושלים זצ"ל, און איידעם ביי הגה"צ ר' משה טובי' גרינצווייג זצ"ל. – די שמחת השבע ברכות קומט פאר אין ביהמ"ד מראה יחזקאל דעעש אין מאנסי.
שמחת בית קאסאן – קאלאמייא – סאטינוב: היינט קומט פאר די שמחת התנאים פון א אייניקל ביי כ"ק אדמו"ר מקאסאן שליט"א, די חתן א זון פון זיין זון הגה"צ ר' משולם פייש ראטטענבערג שליט"א, איידעם ביי כ"ק אדמו"ר מקאלאמייא שליט"א, מיט די כלה א טאכטער פון הגה"צ ר' יצחק ראזענבוים שליט"א אדמו"ר מסאטינוב, זון פון כ"ק אדמו"ר מקאליש זצ"ל, און איידעם ביי כ"ק אדמו"ר מסטרעליסק זצ"ל. – די שמחה קומט פאר אין ביהמ"ד סאטינוב אין מאנסי.
עס איז געשלאסן געווארן די שידוך פונעם חתן א זון פון הגה"צ ר' שמואל בנימין סופר שליט"א, זון פון הגה"צ ר' עקיבא מנחם סופר שליט"א אבד"ק ערלוי ב"ב, און איידעם ביי כ"ק אדמו"ר מביאלא פשיסחא שליט"א, מיט די כלה א טאכטער פון הגה"צ ר' יחיאל נתן שניאורסאן שליט"א, זון פון הגה"צ ר' נחום שניאורסאן שליט"א נשיא ישיבת טשעבין, און איידעם ביי הגה"צ ר' הערשל וואגשאהל שליט"א מרבני חצה"ק ערלוי.
היינט נאכט י"ג סיון געפאלט די יומא דהילולא קדישא פון הרה"ק בעל חקל יצחק מספינקא זי"ע, די אייניקלעך כ"ק האדמורי"ם מספינקא שליט"א וועלן אפרעכטן די יארצייט טישן ברוב עם.
כ"ק אדמו"ר מסערדאהעלי שליט"א וועלכער איז צוגאסט די טעג אין ארץ ישראל, וועט היינט ארויספארן אויף א מסע הקודש צו די קברי צדיקים אין גליל, א תפילת רבים ביים ציון הק' פון התנא האלקי רבי שמעון בר יוחאי אין אתרא קדישא מירון, און ביי די קברי צדיקים אין עיה"ק צפת און טבריה.
היינט קומט פאר א ספעציעלע מסיבת לחיים בביתו נאוה קודש פון כ"ק אדמו"ר מוויזניץ שליט"א לרפו"ש אין מושב אורה נעבן ירושלים, לרגל די הונדערט און צענטע יום הולדת פון אביו הרה"ק בעל ישועות משה מוויזניץ זצ"ל, געאייגענט פאר די נדיבים ותומכים פון מכון אור פני משה, להפצת משנתו הטהורה פונעם רבי'ן זצ"ל.
היינט קומט פאר די מעמד חלוקת תעודות ופרסים פאר די תלמידים פון ישיבה לצעירים שפע חיים צאנז אין ירושלים עיה"ק, עס קומט פאר אין זאל סוכת דוד אין ירושלים, אין שפיץ פון הגה"צ רבי יוסף משה דוב האלבערשטאם שליט"א אב"ד צאנז ארה"ב וראש ישיבות צאנז.
אריינצושיקן מודעות און נייעס, שיקט אן אימעיל צו NEWS@JDNMAIL.COM
