שמחת בית וויזניץ – גארליץ – שידלובצא: היינט קומט פאר די שמחת הווארט פון א אייניקל ביי כ"ק אדמו"ר מוויזניץ שליט"א, די חתן א זון פון זיין איידעם הגה"צ ר' נפתלי צבי טייטלבוים שליט"א, זון פון הגה"צ גאב"ד וואלאווע שליט"א, מיט די כלה א טאכטער פון הגה"צ ר' מתתיהו האלבערשטאם שליט"א, זון פון כ"ק אדמו"ר מגארליץ שליט"א, און איידעם ביי כ"ק אדמו"ר משידלובצא שליט"א. – די שמחה קומט פאר אין ביהמ"ד הגדול אין קרית וויזניץ בני ברק.
שמחת בית וויזניץ: היינט קומט פאר די שמחת החתן מאהל פונעם חתן א זון פון הגה"צ ר' אפרים אהרן טייטלבוים שליט"א ראה"כ מגדלות מרקחים צעהלים, זון פון הגה"צ אבד"ק נעפלעמיץ שליט"א, און איידעם ביי הגה"צ ר' לייבוש טויב זצ"ל מקאלוב, מיט די כלה א טאכטער פון זיין פלומעניק הגה"צ ר' חיים מאיר האגער שליט"א, זון פון כ"ק אדמו"ר מוויזניץ שליט"א פון מאנטריאל, און איידעם ביי כ"ק אדמו"ר מוויזניץ שליט"א פון וויליאמסבורג. – די שמחת החתן מאהל קומט פאר אין ביהמ"ד הגדול וויזניץ אין וויליאמסבורג.
היינט קומט פאר די שמחת התנאים פונעם חתן א זון פון הגה"צ ר' יוסף מאיר שלום פאנעט שליט"א, זון פון כ"ק אדמו"ר מקאסאן ב"ב שליט"א, און איידעם ביי הגה"צ אבד"ק וואשארהעלי זצ"ל, מיט די כלה א טאכטער פון הגה"צ ר' אפרים יחזקאל פאנעט זצ"ל מדעעש רמת אהרן, זון פון כ"ק אדמו"ר מדעעש ירושלים זצ"ל, און איידעם ביי הגה"צ ר' יהודה יאקאב זצ"ל אבד"ק ראשון לציון. – די שמחה קומט פאר אין זאל פון בית הכנסת הגדול אין בני ברק.
עס איז געשלאסן געווארן די שידוך פונעם חתן א זון פון כ"ק אדמו"ר מטשאקאווא בית שמש שליט"א, איידעם ביי הגה"צ ר' זלמן יוסף שפירא שליט"א, זון פון כ"ק אדמו"ר מנאראל שליט"א, און איידעם ביי כ"ק אדמו"ר מנדבורנא זצ"ל בעל באר יעקב, מיט די כלה א טאכטער פון הגה"צ ר' ברוך יהושע העשיל האלפערין שליט"א, זון פון הגה"צ גאב"ד ראדאמישלא רמות זצ"ל, און איידעם ביי הגה"צ ר' משה חיים טווערסקי שליט"א מראחמיסטריווקא.
מרנן ורבנן גדולי עולם התורה, ראשי הישיבות פון ארץ ישראל שליט"א, וועלכע זענען אנגעקומען פארגאנגענע וואך קיין אמעריקע אויף די געהויבענע נסיעה לטובת קרן עולם התורה, וועלן היינט אנקומען קיין פלארידע, וואו עס וועט פארקומען א רייע מסיבות און באנקעטן לטובת קרן עולם התורה.
כ"ק אדמו"ר מוויזניץ שליט"א פון מאנטריאל קומט היינט אן צוגאסט קיין ניו יארק לרגל די שמחת החתונה פון א אייניקל וואס קומט פאר מארגן מאנטאג אין וויליאמסבורג, היינט מיטאג וועט דער רבי שליט"א פוקד זיין דעם ציון הק' פון אביו הרה"ק בעל תורת מרדכי מוויזניץ זצ"ל לכבוד די שמחה.
היינט קומט פאר די מעמד הכנסת ספר תורה וואס ווערט אריינגעגעבן צום ביהמ"ד קהלת יעקב פאפא אויף סעדל ריווער אין מאנסי, אין שפיץ פון כ"ק אדמו"ר מפאפא שליט"א.
היינט קומט פאר די מעמד הכנסת ספר תורה וואס ווערט אריינגעגעבן צום בעלזא בית המדרש אין רובע ו' אשדוד, נדבת משפחת ברייער שיחי'.
היינט קומט פאר די מעמד הכנסת ספר תורה וואס ווערט אריינגעגעבן צום ספינקא בית המדרש אין לעיקוואד, נדבת הרב החסיד ר' פנחס יעקב נאדלער הי"ו.
היינט קומט פאר די יערליכע דינער "ותומכיה מאושר" לטובת די ראחמיסטריווקא כולל אין בארא פארק, אין די לוקסור זאל אין ב"פ, אין שפיץ פון כ"ק אדמו"ר מראחמיסטריווקא שליט"א.
היינט קומט פאר די יערליכע דינער לטובת קהל מעגלי צדק דעעש אין בארא פארק, אינעם היכל הביהמ"ד אויף די צוויי און פופציגסטע סטריט.
היינט קומט פאר די מעמד הקמת המצבה על קברו פון כ"ק אדמו"ר מקאסאן זצ"ל פון די ניינטע עוועניו אין בארא פארק, אויפן בית החיים הר שלום אין מאנסי.
היינט קומט פאר אן אסיפה אינערהאלב קהל פני מנחם אין בארא פארק, זיך צו מחזק זיין קעגן די פגעי הטעכנעלאגיע, עס קומט פאר אין זאל פון קהל אמונת ישראל אין בארא פארק, אין שפיץ פון הגה"צ ר' אברהם מרדכי אלתר שליט"א אייניקל פון הרה"ק בעל פני מנחם מגור זי"ע.
היינט קומט פאר די מעמד החומש סעודה פאר די ילדי כתה א' אין ת"ת פאפא אין מאנסי, אין ביהמ"ד פאפא אויף סוזען אין מאנסי, אין שפיץ פון כ"ק אדמו"ר מפאפא שליט"א.
היינט קומט פאר די מעמד החומש סעודה פאר די ילדי כתה א' אין ת"ת צעהלים אין וויליאמסבורג, אין זאל פון קאנטינענטאל אין וויליאמסבורג, אין שפיץ פון כ"ק אדמו"ר מצעהלים שליט"א.
היינט קומט פאר די מעמד החומש סעודה פאר די ילדי כתה א' אין ת"ת תפארת בנים מונקאטש אין מאנסי, אין זאל פון עטרת טשארנא אין מאנסי.
היינט קומט פאר די מעמד החומש סעודה פאר די ילדי כתה א' אין ת"ת ישועות משה וויזניץ אין עפולה, אינעם גרויסן זאל היכל האירועים אויף רחוב דוד אלעזר אין עפולה.
אריינצושיקן מודעות און נייעס, שיקט אן אימעיל צו NEWS@JDNMAIL.COM
