שמחת בית צאנז: היינט קומט פאר די שמחת השבע ברכות פון א אייניקל ביי כ"ק אדמו"ר מצאנז שליט"א, די כלה א טאכטער פון זיין זון הגה"צ רבי יוסף משה דוב האלבערשטאם שליט"א אבד"ק צאנז ארה"ב, איידעם ביי הגה"צ אבד"ק מאקאווא אלעד זצ"ל, מיט די חתן א זון פון הרב נפתלי גליק שליט"א פון לאנדאן, איידעם ביי הגה"צ ר' משה יהודה היילפערין שליט"א אבד"ק בית שמואל ראדאמישלא לאנדאן. – די שמחת השבע ברכות קומט פאר אינאיינעם מיטן מעמד כתרה של תורה לכבודם פון די רבני כוללי הש"ס דחסידי צאנז אין ארץ ישראל, אין א פראכטפולע זאל אין שטאט נתניה.
היינט קומט פאר די שמחת החתונה פונעם חתן א זון פון הרב ישכר בעריש בראנדער שליט"א פון לאנדאן, זון פון הרב פנחס נפתלי בראנדער שליט"א, און איידעם ביי הגה"צ אבד"ק טשאבא זצ"ל, מיט די כלה א טאכטער פון הגה"צ ר' אברהם מאיר חיים געשטעטנער שליט"א רב ביהמ"ד מחזיקי הדת אין מאנטשעסטער, זון פון הגה"צ ר' עמרם געשטעטנער שליט"א גאב"ד קרית אגודת ישראל, און איידעם ביי כ"ק אדמו"ר מגארליץ שליט"א. – די שמחת החתונה קומט פאר אין זאל היכלי מלכות אין בני ברק.
כ"ק אדמו"ר מסאדיגורא שליט"א פארט היינט ארויס קיין עיר האבות חברון, אויף א מעמד תפילה ביים מערת הכפלה, אינאיינעם מיט די נגידים ותומכים פון די כוללים עטרת ישראל סאדיגורא, דערנאך וועט פארקומען א פראכטפולע מעמד הוקרה פאר די מחזיקי תורה, אין משכן האירועים נעבן די מערת המכפלה.
כ"ק אדמו"ר מוויזניץ שליט"א פון לאנדאן איז אנגעקומען צוגאסט אויף א קורצע באזוך אין ניו יארק, צו באשיינען די שמחת החתונה פון א אייניקל ביים שווער כ"ק אדמו"ר מקאלוב שליט"א.
היינט קומט פאר די מעמד חנוכת הבית און הכנסת ספר תורה פארן נייעם בנין פון ישיבת ישועות משה וויזניץ אין לאנדאן, אין שפיץ פון כ"ק אדמו"ר מוויזניץ שליט"א וועלכער איז אנגעקומען צוגאסט קיין לאנדאן לכבוד די מעמד.
היינט קומט פאר די מעמד כבוד התורה ולומדיה, סיום מסכתות וואס איז געלערנט געווארן אין ישיבה קטנה דחסידי ביאלא, עס קומט פאר אין זאל בית וויזניץ אין קרית וויזניץ בני ברק, אין שפיץ פון כ"ק אדמו"ר מביאלא שליט"א.
היינט קומט פאר די מעמד החומש דרשה פאר די ילדי כתה א' אין תלמוד תורה מאקאווא אין קרית אתא, אין ביהמ"ד הגדול אויף רחוב המגינים אין קרית אתא, אין שפיץ פון כ"ק גאב"ד מאקאווא שליט"א.
אריינצושיקן מודעות און נייעס, שיקט אן אימעיל צו NEWS@JDNMAIL.COM
