שמחת בית פרימישלאן – ראצפערט: עס איז געשלאסן געווארן די שידוך פון א אייניקל ביי כ"ק אדמו"ר מפרימישלאן שליט"א, די כלה א טאכטער פון זיין איידעם הגה"צ ר' חיים יצחק קאפף שליט"א, זון פון כ"ק אדמו"ר מלעלוב בראנוביץ זצ"ל, מיט די חתן א זון פון הגה"צ ר' מאיר עמנואל האגער שליט"א, זון פון הגה"צ אבד"ק סערט וויזניץ ירושלים זצ"ל, און איידעם ביי הגה"צ אבד"ק ראצפערט בראזיל שליט"א.
שמחת בית הארנסטייפל: עס איז געשלאסן געווארן די שידוך פונעם חתן א זון פון הרה"ג ר' הערשל גליק שליט"א ר"ם בישיבת מאחנובקא בעלזא, איידעם ביי הרה"ג ר' ישראל אשר פרענקל זצ"ל, אייניקל פון הרה"ק בעל אהבת ישראל מוויזניץ זי"ע, מיט די כלה א טאכטער פון כ"ק אדמו"ר מהארנסטייפל שליט"א פון ביתר.
עס איז געשלאסן געווארן די שידוך פון א אייניקל ביי כ"ק אדמו"ר מאנטוניא שליט"א, די כלה א טאכטער פון זיין זון הגה"צ ר' שמעון האגער שליט"א, מיט די חתן א זון פון הרב אהרן גליק שליט"א, איידעם ביי הגה"צ ר' יצחק דוד האלבערשטאם שליט"א, זון פון כ"ק אדמו"ר מגארליץ זצ"ל.
היינט קומט פאר אין מאנסי די יערליכע דינער קשר אחד שותפות לטובת איחוד מוסדות באבוב 45, אין זאל פון תפארת עלקא, אין שפיץ פון כ"ק אדמו"ר מבאבוב 45 שליט"א.
היינט קומט פאר די מעמד מצהלות פאר כלל חסידי טשערנאביל בארה"ק, אוועקצושטעלן א יסוד פארן נייעם מצהלות חתונה פלאן פאר חסידי טשערנאביל, עס קומט פאר אין זאל משואות אויף רחוב ירושלים אין בני ברק.
היינט נאכט כ"ג תמוז ווערט אפגעצייכנט די חג הגאולה פון כ"ק אדמו"ר הזקן מסאדיגורא זצ"ל, בחצרות בית רוזין, באיאן, סאדיגורא און נאך, קומען פאר מסיבות מרעים און אסיפות צו מחזק זיין די חבורות ביי די בחורים און אינגעלייט.
היינט קומט פאר א מעמד סיום ספר תפלת הצדיקים בחצר הקודש שידלובצא, נאכן פארענדיגן דעם ספר מיט א טעגליכע לימוד, די מעמד קומט פאר אין ביהמ"ד סטרעטין אין אלטשטאט ירושלים, נאכגעפאלגט מיט א תפילת רבים ביים שריד בית מקדשינו דער כותל המערבי, אין שפיץ פון כ"ק אדמו"ר משידלובצא שליט"א.
היינט קומט פאר אן עצרת התעוררות אין ביהמ"ד היכל הברכה קאמארנא אין בארא פארק, נאך די פלוצימ'ע און פריצייטיגע פטירה פון הרב החסיד ר' פנחס ליבערמאן ע"ה מחשובי מתפללי ביהמ"ד.
כ"ק אדמו"ר מזוועהיל שליט"א קומט היינט אן צוגאסט אין שטאט לודמיר אין אוקראינע, צו פוקד זיין דעם ציון הק' פון הרה"ק רבי שלמה מקארלין זי"ע, פארנאכטס נאך מנחה וועט דער רבי שליט"א אפרעכטן דעם יארצייט טיש אינעם בנין הכנסת אורחים אין לודמיר.
כ"ק אדמו"ר מקוידינוב שליט"א קומט היינט אן צוגאסט אין שטאט לודמיר אין אוקראינע, צו פוקד זיין דעם ציון הק' פון הרה"ק רבי שלמה מקארלין זי"ע בעצם יומא דהילולא קדישא, מארגן מיטוואך וועט דער רבי שליט"א פארזעצן די נסיעה קיין אמעריקע, וואו דער רבי שליט"א וועט זיך אויפהאלטן די קומענדיגע וואך אין ניו דזשערזי לטובת מוסדותיו הקדושים.
כ"ק אדמו"ר מאונגוואר שליט"א קומט היינט אן צוגאסט קיין ארץ ישראל, אויף א ביקור חיזוק פון עטליכע וואכן בקרב חסידיו ותלמידיו.
אריינצושיקן מודעות און נייעס, שיקט אן אימעיל צו NEWS@JDNMAIL.COM
