שמחת בית סקולען: היינט קומט פאר די שמחת הבר מצוה פון א זון ביי כ"ק אדמו"ר מסקולען שליט"א, איידעם ביי זיין פעטער הגה"צ ר' שלמה אליעזר ברוינשטיין שליט"א אבד"ק טערניווא. – די שמחה קומט פאר אין ביהמ"ד ישועת ישראל סקולען אין בארא פארק.
היינט קומט פאר די שמחת הבר מצוה פון א אייניקל ביי כ"ק אדמו"ר ממאשלוי שליט"א, אור אייניקל פון כ"ק אדמו"ר מקאלוב שליט"א, א זון פון זיין זון הרב נפתלי ראזענבוים שליט"א, איידעם ביי הגה"צ אבד"ק לימינוב שליט"א. – די שמחה קומט פאר אין ביהמ"ד מאשלוי אין בארא פארק.
היינט קומט פאר די שמחת הבר מצוה פון א זון ביי הגה"צ ר' נתן דוד אשכנזי שליט"א אדמו"ר מאלעסק סטאניסלאוו לינדען, איידעם ביי הגה"צ אבד"ק נחלת ישראל סאדאוונא זצ"ל. – די שמחה קומט פאר אין ביהמ"ד אלעסק סטאניסלאוו אין לינדען.
שמחת בית ראחוב – לויעוו טשערנאביל – בערגסאז: עס איז געשלאסן געווארן די שידוך פון א אייניקל ביי כ"ק אדמו"ר מראחוב שליט"א, די חתן א זון פון זיין זון הגה"צ ר' יצחק מרדכי ראזענבוים שליט"א, איידעם ביי כ"ק אדמו"ר מבערעגסאז ב"ב שליט"א, מיט די כלה א טאכטער פון הגה"צ ר' אהרן טווערסקי שליט"א, זון פון כ"ק אדמו"ר מלויעוו טשערנאביל שליט"א.
עס איז געשלאסן געווארן די שידוך פון א אור אייניקל ביי כ"ק אדמו"ר ממעליץ שליט"א, אייניקל פון בנו הגדול הגה"צ ר' ברוך הורוויץ שליט"א דומ"ץ מעליץ, די חתן א זון פון זיין זון הגה"צ ר' יואל הורוויץ שליט"א אבד"ק מעליץ קרית יואל, איידעם ביי כ"ק אדמו"ר מתפארת יחזקאל שליט"א, מיט די כלה א טאכטער פון הגה"צ ר' יואל פילאפף שליט"א מו"ץ אין קרית טאהש, זון פון הגה"צ ר' זלמן לייב פילאפף שליט"א אבד"ק מכלל יופי וחבר ביד"ץ דקהל יטב לב ד'סאטמאר, און איידעם ביי כ"ק אדמו"ר מספינקא קאנאדע שליט"א.
היינט קומט פאר די מעמד מייסדים לדורות בחצר הקודש וויזניץ אין בית שמש, צום גרינדונג פון די "מרכז הכוללים" צו פאראייניגן אלע כוללים דחסידי וויזניץ בית שמש אין ארץ ישראל, די מעמד קומט פאר אין ביהמ"ד הגדול וויזניץ אין בית שמש, אין שפיץ פון כ"ק אדמו"ר מוויזניץ שליט"א פון בית שמש.
כ"ק אדמו"ר מקרעטשניף סיגעט שליט"א קומט היינט אן צוגאסט קיין אנטווערפן, וואו דער רבי שליט"א וועט זיך אויפהאלטן די קומענדיגע וואך און פראווענען א שבת בקרב חסידיו, די אכסניא איז אין שטוב פון הרה"ג ר' ישעי' שלאמאוויטש שליט"א מח"ס אבני שוהם.
הגה"צ ר' יצחק טווערסקי שליט"א בן כ"ק אדמו"ר מסקווירא שליט"א קומט היינט אן אויף א לענגערע באזוך בקרב חסידי סקווירא אין בני ברק, היינט נאכט וועט פארקומען א גרויסע מעמד קבלת פנים לכבודו מיט די באטייליגונג פון חסידי סקווירא תושבי העיר.
היינט כ"ג תמוז געפאלט די זעכצנטע יארצייט פון הרבנית הצדיקת מסאטמאר ע"ה, מחברתו הטהורה פון כ"ק אדמו"ר הרה"ק בעל ברך משה מסאטמאר זצ"ל, בנה כ"ק אדמו"ר מסאטמאר שליט"א וועט דאווענען די תפילות פארן עמוד און אפרעכטן א מסיבת לחיים אין בעטלהעם ניו העמפשער, בנה כ"ק אדמו"ר מסאטמאר שליט"א וועט אנקומען קיין קרית יואל אויף תפילת שחרית בהיכל הישיבה, און דערנאך ארויפגיין צום ציון אויפן בית החיים אין קרית יואל.
היינט נאכט כ"ד תמוז געפאלט די יומא דהילולא קדישא פון כ"ק אדמו"ר מספינקא ירושלים זצ"ל בעל גדולת מרדכי, בנו כ"ק אדמו"ר מסערעדנא שליט"א וועט אפרעכטן די יארצייט טיש היינט אויפדערנאכט בבית מדרשו אהל יהושע אין בני ברק.
אריינצושיקן מודעות און נייעס, שיקט אן אימעיל צו NEWS@JDNMAIL.COM
