כ"ק אדמו"ר מסקווירא שליט"א וועלכער האט זיך אויפגעהאלטן די לעצטע דריי וואכן אין מאליבו קאליפארניע אויף אפרוה, קערט זיך היינט צוריק למעון קדשו אין שיכון סקווירא, א גרויסער מעמד קבלת פנים קומט פאר היינט נאכט ניין אזייגער אין ביהמ"ד הגדול אין שיכון סקווירא, נאכגעפאלגט מיט די שמחת הקריאת שמע ליינען צום געבורט פון א אור אור אייניקל ביים רבי'ן שליט"א.
היינט קומט פאר א גרויסע עצרת תפילה והתעוררות דורך כלל חסידי וויזניץ בארה"ק, ביים שריד בית מקדשינו דער כותל המערבי, מעורר צו זיין רחמי שמים לרפואתו השלימה פונעם רועה נאמן כ"ק אדמו"ר מוויזניץ שליט"א לרפו"ש, כ"ק מרן ישראל בן לאה אסתר בתוך שאר חולי ישראל.
היינט קומט פאר די שמחת הבר מצוה פון א אור אייניקל ביי כ"ק אדמו"ר מפאפא שליט"א, אייניקל פון בנו הגדול הגה"צ ר' מאיר גרינוואלד שליט"א דומ"ץ פאפא, א זון פון זיין זון הרב לייבוש גרינוואלד שליט"א, איידעם ביי כ"ק אדמו"ר מחוסט שליט"א פון ב"פ. – די שמחה קומט פאר אין ביהמ"ד הגדול עץ חיים אין קרית פאפא וועסטשעסטער.
עס איז געשלאסן געווארן די שידוך פונעם חתן א זון פון הגה"צ ר' אפרים ישראל ענגלארד שליט"א, זון פון הגה"צ אבד"ק דאברא זצ"ל, און איידעם ביי הגה"צ ר' שמחה ראבינאוויטש שליט"א מביאלא פשיסחא ובעל פסקי תשובות, מיט די כלה א טאכטער פון הגה"צ ר' חיים מאיר ארנסטר שליט"א, זון פון הגה"צ ר' זאב ארנסטר שליט"א אבד"ק מאור חיים ירושלים, און איידעם ביי הגה"צ ר' יהושע ליבערמאן שליט"א ראש ישיבת שומרי החומות.
כ"ק אדמו"ר מקאסאן שליט"א וועט היינט פארנאכטס אפרעכטן די יארצייט טיש לרגל די הילולא קדישא פון זקינו הרה"ק רבי פנחס שלום מקאסאן זצ"ל, בבית מדרשו קהל עתרת שלום קאסאן אין בארא פארק.
היינט כ"ד תמוז געפאלט די יומא דהילולא קדישא פון כ"ק אדמו"ר מספינקא ירושלים זצ"ל בעל גדולת מרדכי, די קינדער און איידימער האדמורי"ם והרבנים וועלן פוקד זיין דעם ציון הק' אויפן הר הזיתים, און אפרעכטן דעם יארצייט טיש אין ספינקא ביהמ"ד אין ירושלים.
כ"ק אדמו"ר מוויזניץ שליט"א פון בית שמש קומט היינט אן צום שטאט עמנואל, וואו דער רבי שליט"א וועט זיך אויפהאלטן די קומענדיגע וואך אויף אפרוה.
אריינצושיקן מודעות און נייעס, שיקט אן אימעיל צו NEWS@JDNMAIL.COM
