היינט קומט פאר די שמחת הבר מצוה פון א אייניקל ביי כ"ק אדמו"ר מפשעווארסק שליט"א, א זון פון זיין זון הגה"צ ר' מאיר נתן לייזער שליט"א, איידעם ביי הרה"ג ר' שמואל מאיר שטויבער שליט"א. – די שמחה קומט פאר אין ביהמ"ד הגדול פשעווארסק אין אנטווערפן.
היינט קומט פאר די שמחת הברית און פדיון הבן פון א אור אייניקל ביי כ"ק אדמו"ר מדינוב שליט"א, אייניקל פון בנו הגדול הגה"צ רבי חיים אלעזר ראבינאוויטש שליט"א דומ"ץ וראש ישיבת דינוב, איידעם ביי כ"ק אדמו"ר מסטריזוב שליט"א, בן הנולד ביי זיין איידעם הרב אלטר זאב ראבינאוויטש שליט"א, איידעם ביי הגה"צ רבי אברהם יהודה לעוו שליט"א גאב"ד תפארת אליעזר. – די שמחת הברית קומט פאר בביתו נאוה קודש פונעם עלטער זיידן כ"ק אדמו"ר מסטריזוב שליט"א אין בארא פארק, די סעודת הברית אין ביהמ"ד תפארת אליעזר אין ב"פ, און די שמחת פדיון הבן שפעטער פארנאכטס אין ביהמ"ד דינוב אין וויליאמסבורג.
עס איז געשלאסן געווארן די שידוך פונעם חתן א זון פון הגה"צ ר' יצחק אייזיק פיש שליט"א, זון פון כ"ק אדמו"ר מהאדאס שליט"א, און איידעם ביי הגה"צ ר' יודא אליעזר יונגער שליט"א אבד"ק קהל יראים מאנסי, מיט די כלה א טאכטער פון הגה"צ ר' נפתלי צבי הורוויץ שליט"א, זון פון הגה"צ ר' אלחנן הורוויץ שליט"א אבד"ק ראפשיץ קרית יואל, און איידעם ביי הגה"צ ר' הערשל כהנא שליט"א דומ"ץ מכון להוראה, אור אייניקל פון כ"ק אדמו"ר ממעליץ שליט"א, און אור אייניקל פון כ"ק אדמו"ר מספינקא אנטווערפן שליט"א.
היינט כ"ז תמוז געפאלט די יומא דהילולא קדישא פון כ"ק אדמו"ר מצאנז זוועהיל זצ"ל, פילע אידן וועלן פוקד זיין דעם ציון הק' אויפן הר הזיתים, גיסו ממלא מקומו כ"ק אדמו"ר מצאנז זוועהיל שליט"א וועט אפרעכטן די יארצייט טיש אין ביהמ"ד הגדול אהל שלמה אין מחנה דברי חיים אין קאניאנגא לעיק. ב"א ממלא מקומו כ"ק אדמו"ר מזוועהיל ארה"ב שליט"א וועט אפרעכטן די יארצייט טיש אין ביהמ"ד זוועהיל אין רמת שלמה געגנט אין ירושלים.
היינט כ"ז תמוז געפאלט די יומא דהילולא קדישא פון כ"ק אדמו"ר מסקווירא פלעטבוש זצ"ל, בנו הגדול כ"ק אדמו"ר מסקווירא מאנסי שליט"א וועט פוקד זיין דעם ציון הק' אויפן בית החיים אין מאנסי אין די מיטאג שעות, און שפעטער פארנאכטס אפרעכטן די יארצייט טיש בבית מדרשו אין מאנסי. בנו כ"ק אדמו"ר מסקווירא גרינוויל שליט"א וועט פוקד זיין דעם ציון הק' אין די מיטאג שעות אויפן בית החיים אין מאנסי.
כ"ק אדמו"ר מסערט וויזניץ שליט"א פארט היינט ארויס קיין עסטרייך, וואו דער רבי שליט"א וועט זיך אויפהאלטן די קומענדיגע וואכן אויף אפרוה.
כ"ק אדמו"ר מקהל חסידי ירושלים שליט"א וועלכער איז צוגאסט די טעג אין ניו יארק לטובת מוסדותיו הקדושים, קומט היינט אן קיין מאנסי וואו דער רבי וועט זיך אויפהאלטן די קומענדיגע טעג בקרב חסידיו, די אכסניא איז אין שטוב פון הרב החסיד ר' שלמה אליעזר מייזעלס הי"ו, די תפילות וועט דער רבי דאווענען אין ביהמ"ד קראלי.
אריינצושיקן מודעות און נייעס, שיקט אן אימעיל צו NEWS@JDNMAIL.COM
