אין א שאקירנדע שריט האט כ"ק אדמו"ר מאשלג שליט"א געהייסן פאר קהל חסידיו צו פארלאזן ארץ ישראל ווי שנעלער, צוליב דעם וואס עס הויערט א שרעקליכע סכנה אויף ארץ ישראל.
דער רבי שליט"א האט געזאגט פאר די חסידים, אז די מצב אין ארץ ישראל איז נישט פשוט, פון אלע זייטן ארום שטייען גרייט פיינטליכע קרעפטן, און ווילן פארציקן יעדע רגע, מען דארף האפן און מתפלל זיין, אבער פאר יעצט דארף מען ארויספארן פאר א קורצע תקופה.
דער רבי האט געזאגט אז זיין פאטער דער אשלאגער רבי זצ"ל איז אים געקומען אין חלום דערוועגן, און דעריבער האט ער באשלאסן דאס אויסצופירן למעשה, און תיכף נאך שבת וועט ער זיך ארויסלאזן קיין אונגארן, וואו עס געפונען זיך שוין א קבוצה חסידי אשלג.
