נעכטן דינסטאג איז באשטעטיגט געווארן אז כ"ק אדמו"ר מראחמיסטריווקא שליט"א פון ספרינג וואלי, וועט וויילן אויף דעם שב"ק אין בארא פארק, בצל הקודש פונעם פעטער כ"ק אדמו"ר מראחמיסטריווקא שליט"א, לרגל די שמחת הקידושא רבא פון א אייניקל, א טאכטער פון זיין איידעם הרב ישעי' משולם זושא טייטלבוים שליט"א, א זון פון הרה"ג ר' הערש אלימלך טייטלבוים שליט"א אב"ד תפלה למשה סאטמאר ב"פ, איידעם ביי כ"ק אדמו"ר מראחמיסטריווקא שליט"א.
דער ראחמיסטריווקא רבי פון ספרינג וואלי געפונט זיך אצינד אין ארץ ישראל, לרגל די שמחת החתונה פון א קינד ביים שוואגער כ"ק אדמו"ר מזוועהיל שליט"א וואס איז פארגעקומען נעכטן אויפדערנאכט, דער רבי איז ערווארטעט זיך צוריקצוקערן פרייטאג פארטאגס קיין ניו יארק, און אויף שבת פארן קיין בארא פארק, וואו ער וועט פראווענען די תפילות און טישן מיט זיין גרויסן פעטער דער ראחמיסטריווקא רבי שליט"א.
מטעם די וועד הכנסת אורחים שע"י קהל ראחמיסטריווקא אין בארא פארק, ווערט צוגעשטעלט אש"ל מלא פאר אלע געסט וואס קומען צו פארן מיטהאלטן דעם גרויסן שבת, און מוצאי שבת וועט דער רבי אריינפארן קיין וויליאמסבורג באשיינען די שמחת הפארשפיל בחצר הקודש וויזניץ אין וויליאמסבורג, די חתן א אייניקל פון חותנו הגדול כ"ק הגה"צ אבד"ק ראחמיסטריווקא שליט"א, לקראת די שמחת החתונה וואס קומט פאר אין אנטווערפן.
