מיט צער און טרויער איז היינט אנגעקומען די שווערע בשורה איבער די פטירה פון הרב החסיד המפואר ר' אשר אנשיל באב"ד ע"ה, מחשובי חסידי וויזניץ, און לאנגיעריגער מקורב ביי כ"ק אדמו"ר הרה"ק מסקולען זי"ע.
הרב החסיד ר' אנשיל איז מיט יארן צוריק געווען דער משמש בקודש לפני ולפנים ביי הרה"ק בעל תורת מרדכי מוויזניץ זי"ע, און געווען פון די טעטיגע עסקנים אינערהאלב די קהילה און מוסדות וויזניץ אין מאנסי. די לעצטע צענדליגע יארן איז ער געשטאנען אין שפיץ פון פילע אקטיוויטעטן אינערהאלב מוסדות הק' חסד לאברהם, און מיט א מורא'דיגע איבערגעגעבנקייט באגלייט אדמור"י בית סקולען צו דעקן דעם בודזשעט און אנגיין מיט די עבודת הקודש אומגעשטערט.
ר' אנשיל האט זוכה געווען צו טרעפן דעם ציון הק' פון הרה"ק בעל אהבת שלום מקאסוב זי"ע, נאך לאנגע יארן וואס מען האט נישט געוואוסט וואו עס געפונט זיך. ער האט געהאט אסאך היסטאריע אין זיך, וואס האט זיך היינט צופרי געשלאסן מיט זיין פטירה, אין עלטער פון צוויי און זיבעציג יאר.
די לוויה איז פארגעקומען פארנט פון וויזניצע בית המדרש אין מאנסי, און ער איז געקומען לקבורה אויף די וויזניצע בית החיים, הארט נעבן מקום מנוחת קדשו פון כ"ק אדמו"ר הרה"ק מסקולען זי"ע.
