מיט גרויס צער און טרויער איז היינט צופרי אויפגענומען געווארן די שווערע בשורה איבער די פטירה בטרם עת פון א חשוב קינד א בנן של קדושים, הילד ישראל ארי' שפירא ע"ה, א זון פון הרה"ג ר' שמואל אלטר שפירא שליט"א דיין אין די בעלזא בית המדרש אויף וואיאולע אין מאנסי, און אור אייניקל פון כ"ק אדמו"ר מנאראל שליט"א.
זיין פאטער דער בעלזא דיין שליט"א איז א זון פון הרה"ג ר' אברהם יהושע העשיל שפירא ז"ל פון בארא פארק, וועלכער איז פלוצלינג נפטר געווארן געציילטע חדשים צוריק, בנו חביבו פון להבחל"ח כ"ק אדמו"ר מנאראל שליט"א, און איידעם ביי כ"ק אדמו"ר מקאסאן בני ברק שליט"א. מצד אמו איז ער א אייניקל פון הרה"ג ר' משה שמואל שטערן שליט"א, זון פון הגה"צ גאב"ד ביליץ שליט"א.
די לעצטע צוויי יאר האט ער זיך ליידער זייער שווער געמוטשעט מיט די ביטערע מחלה ה"י, און היינט צופרי איז ער נפטר געווארן זייענדיג בלויז זיבן יאר אלט. די לוויה איז פארגעקומען עלף אזייגער פארמיטאג ביים בעלזא בית המדרש זכרון יעקב יצחק אין ספרינג וואלי, אויפן וועג צום בית החיים הר שלום חלקת קהל מחזיקי הדת בעלזא, וואו ער איז געקומען לקבורה נעבן זיין זיידע ז"ל.
