דעם ערב שבת קודש איז געמאלדן געווארן פאר די טויזענטער בחורי הישיבות פון די מבצר הישיבות קטנות אינערהאלב די סאטמארע אימפעריע אין וויליאמסבורג, אז מוצאי שבת קודש תיכף נאך הבדלה וועט כ"ק אדמו"ר מסאטמאר שליט"א אויפטרעטן מיט א הכרזת קודש פאר די תלמידים הקרוים בנים, אין ביהמ"ד הגדול דקהל יטב לב ד'סאטמאר אויף ראדני סטריט.
די מעלדונג איז ארויסגעשיקט געווארן מטעם בית כ"ק אדמו"ר מסאטמאר שליט"א, און בפקודת הקודש ווערן אלע תלמידי הישיבות קטנות פארבעטן צו קומען הערן דעם דבר השם ברמה, נישט אנגעבענדיג איבער וועלכע נושא די הכרזה וועט זיין.
מוצאי שבת תיכף נאך הבדלה איז דער רבי ארויף אויפן ארון הקודש און אנגעהויבן מיט די דברות קודש, ווען אויף די פלעצער אין ביהמ"ד פארנעמען די הונדערטער בחורי הישיבות קטנות, דער רבי האט אדרעסירט די נושא פון גיין נאך געלט אין יום טוב פורים, זאגענדיג אז מ'דארף גאר שטארק אכטונג געבן נישט נכשל צו ווערן אין מעגליכע איסורים, נישט אריינגיין אין שטובער וואו מען גיבט נישט אכטונג אויף גדרי הצניעות, נישט טוישן די לבוש און נישט שפילן קיין אומאיידעלע ניגונים וואס ברענגט הוללות.
