חסידי פינסק קארלין זענען ווידעראמאל פארבעטן געווארן צו מתפלל זיין און מעורר זיין רחמי שמים, לרפואת רבם ומאורם כ"ק אדמו"ר מפינסק קארלין שליט"א, וועלכער געפונט זיך אין א שווערע געזונט צושטאנד, און וועט מארגן דינסטאג אריבערגיין א אפעראציע אין שפיטאל.
ווי באריכטעט איז דער רבי שטארק אפגעשוואכט די לעצטערע וואכן, זינט יום טוב פורים איז דער רבי נישט געווען בכח צו פירן ברבים, און דער רבי האט געוויילט אין מושב בית מאיר אויף אפרוה.
פארלאפענעם ערב ראש חודש ניסן איז פארגעקומען א עצרת תפילה והתעוררות אין ביהמ"ד הגדול פינסק קארלין אין ירושלים, וואו הונדערטער חסידים זענען זיך צוזאמגעקומען צו דאווענען פארן רבינ'ס געזונט, נאך א רייע אונטערזוכונגען וואס דער רבי איז אדורך די לעצטע פאר טעג, האבן די דאקטוירים באשטעטיגט אז דער רבי דארף זאפארט אריבערגיין א אפעראציע אויפן קאפ, צו פארמיידן געזונטהייט קאמפליקאציעס ה"י.
מארגן דינסטאג מיטאג וועט דער רבי שליט"א אריבערגיין די אפעראציע אין די הדסה שפיטאל אין ירושלים, אין די זעלבע צייט וועט פארקומען מניני תהלים אין אלע בתי מדרשים און מוסדות התורה דחסידי פינסק קארלין, צו מתפלל זיין לרפואתו פונעם רבי'ן, כ"ק מרן הרה"צ רבי ארי' לייב בן יוכבד מינטשא לרפואה שלימה. והן קל כביר לא ימאס תפילת רבים.
