יעצט נאכמיטאג איז כ"ק אדמו"ר מסקולען שליט"א אריינגעפירט געווארן אין שפיטאל, נאך א לענגערע שוואכקייט וואס איז באפאלן דעם רבי'ן אין די לעצטערע טעג.
ווי באקאנט איז די מצב הבריאות ביים סקולענער רבי'ן שליט"א נישט אזוי אמבעסטן די לעצטע שטיק צייט, אין לויף פון די ווינטער חדשים איז דער רבי געווען אין שפיטאל פאר א לאנגע צייט, און בחסדי ה' איז דער רבי אנגעגאנגען ווי געהעריג במעון הקודש די לעצטע פאר וואכן.
נאך וואס די לעצטערע טעג איז אנטשטאנען א שטארקע פארערגערונג אינעם מצב הבריאות און דער רבי איז ערנסט אפגעשוואכט, איז דער רבי אויפן ראט פון די דאקטוירים אריינגעפירט געווארן אין שפיטאל יעצט נאכמיטאג, מיטן האפענונג צו קענען דערגיין די פראבלעם און עס באהאנדלען ווי אמשנעלסטן.
כלל ישראל איז מתפלל לרפואת כ"ק מרן הרה"צ רבי ישעי' יעקב בן רייזל לרפואה שלימה.
