אין צוויי וואכן ארום איז כ"ק אדמו"ר מסאדיגורא שליט"א ערווארטעט ארויסצופארן אויף נאך א נסיעה קיין אמעריקע, צו באשיינען די שמחת החתונה בבית גיסו הגה"צ ר' יעקב יצחק שטערנבוך שליט"א ראש ישיבת בנין אבות וויזניץ קייאמישע, זון פונעם רבינ'ס שווער הגה"צ ר' אשר יעקב שטערנבוך שליט"א אב"ד אהל יעקב אנטווערפן, און איידעם ביי כ"ק אדמו"ר מבאבוב 45 שליט"א.
דער רבי איז ערווארטעט צו לאנדן אין ניו יארק דעם קומענדיגן מיטוואך פרשת בהעלותך, די טאג פון די שמחת החתונה. אויף שבת פרשת בהעלותך וועט דער רבי וויילן אין לעיקוואד, און פראווענען די תפילות און טישן בבית מדרשו בקרב חסידיו. זונטאג פרשת שלח וועט דער רבי פארזעצן די נסיעה קיין לאס אנדזשעלעס, און זיך אויפהאלטן דארט פאר עטליכע טעג אויפצוטרייבן גרויס געלט לטובת מוסדותיו הקדושים.
