היינט מיטוואך אויפדערנאכט וועט כ"ק אדמו"ר מקאסאן שליט"א ארויספארן אויף א בליץ נסיעה קיין קרית טאהש קאנאדע, צו פוקד זיין דעם ציון הק' פון הרה"ק מטאהש זי"ע ביום המסוגל ערב ראש חודש סיון, און מתפלל זיין לישועת הכלל והפרט.
דער קאסאנער רבי שליט"א איז געווען זייער נאנט מיט הרה"ק מטאהש זי"ע בחיים חיותו, ער פלעגט אסאך פארן אין די פריערדיגע יארן להסתופף בצל קדשו, ציענדיג א אייגענע יחוס צום ערשטן טאהשער רבי הרה"ק רבי משולם פייש דער שרף פון טאהש זי"ע.
דער רבי וועט דאווענען שחרית מארגן דאנערשטאג אין קרית טאהש, און דערנאך ארום צען אזייגער פארמיטאג ארויפגיין צום ציון הק' בראש קהל חסידיו, וואו מען וועט אויסזאגן ספר תהלים מיט גרויס התעוררות, און די מקובל'דיגע תפלת השל"ה צו אויספועל'ן גוטע קינדער און דורי דורות. דערנאך וועט דער רבי ליינען א כוללות קוויטל פון די חסידים, און שפעטער נאכמיטאג ארויספארן אויפן וועג צוריק אהיים קיין לינדען.
