היינט מיטאג האט דער קאנגרעס מאנאריטעט פירער האקים דזשעפריס, אינאיינעם מיטן סענאט מעדזשאריטי פירער טשאק שומער, באזוכט אין שיכון סקווירא, און אריין אויף א זיצונג בביתו נאוה קודש פון כ"ק אדמו"ר מסקווירא שליט"א.
ביים אויפנאמע איז אויסגעשמועסט געווארן פארשידענע ענינים העומדים על הפרק, איבער די בעפארשטייענדע וואלן קומענדיגע וואך אין וואס זיי האבן א שטארקע אינטערעסע אין די היימישע בלאק וואוטס, אזוי אויך זענען זיי ארומגעוויזן געווארן דורך די סקווירא עסקנים די פראכטפולע בניני הקהילה והמוסדות, איבערהויפט די נייע גרויסע שוהל וואס איז נארוואס באנייעט געווארן דעם ירח האיתנים.
יעצט נאכמיטאג זענען די דעמאקראטישע פירער אנגעקומען קיין מאנסי אויף א ספעציעלע אויפנאמע ביי כ"ק אדמו"ר מוויזניץ שליט"א פון מאנסי.
