לקראת די יומא דהילולא קדישא פון הרה"ק רבי יוסף מאמשינאוו זי"ע, וואס געפאלט דעם שבת קודש פרשת בא ג' שבט, וועט כ"ק אדמו"ר מאמשינאוו ארה"ב שליט"א ארויספארן אויף א מסע הקודש קיין פוילין, צו פוקד זיין די מקומות הקדושים די קברי אבות, אנגעהויבן פון דעם קומענדיגן מיטוואך ערב ראש חודש שבט, ווען דער רבי פארט ארויס ממעון קדשו אין בארא פארק.
דורכאויס די קומענדיגע טעג וועט מען פוקד זיין די מקומות הקדושים אין די שטעט, אמשינאוו, ווארקא, פשיסחא, ווארשא, ליזענסק, און אין שטאט אניפאלי ביים ציון הק' פונעם הייליגן רבי'ן ר' זושא זי"ע, בעצם יומא דהילולא קדישא ב' שבט. שבת קודש וועט געפראוועט ווערן אויף א גרויסע פארנעם אין שטאט מעזיבוזש, סמוך ונראה צום ציון הק' פונעם אור שבעת הימים דער הייליגער בעל שם טוב הק' זי"ע.
