מיט עטליכע וואכן צוריק איז געעפנט געווארן די נייע פראכטפולע בית המדרש "מאור ישראל" אין סטעטן איילענד, לשמו ולזכרו פון כ"ק אדמו"ר הרה"ק בעל מאור ישראל מסקולען זי"ע, די בית המדרש ווערט געפירט דורך הגה"צ ר' אורי קלוגהופט שליט"א אייניקל פונעם סקולענער רבי'ן זצ"ל, און די מעמד חנוכת הבית איז באשיינט געווארן דורך כ"ק מרנן האדמורי"ם שליט"א לבית סקולען.
אצינד גרייט מען זיך אויף א ספעציעלע סעודת ראש חודש וואס וועט פארקומען אינעם נייעם בית המדרש אויף א פראכטפולע פארנעם, געאייגענט פאר די תומכים ונדיבים, בונים ומקימים פון די נייע בית המדרש, איבערהויפט די חשובע תומכים וואס שליסן זיך אן מיט גרעסערע סכומים, צו קענען פארענדיגן די בוי ארבעט פון די הערליכע מקוה בבנין בית המדרש, וואס האלט שוין טיף אינמיטן די בוי פראיעקט, להרבות קדושה וטהרה בישראל.
די סעודת ראש חודש וועט באשיינט ווערן דורך כ"ק אדמו"ר מסקולען שליט"א, וועלכער וועט משמיע זיין דברות קודש, און מאציל זיין מברכות קדשו פאר די חשובע נדבנים.
