אין ביהמ"ד הגדול נדבורנא אין ירושלים גרייט מען זיך אויף א זעלטן ספעציעלע מעמד, ווען כ"ק אדמו"ר מנדבורנא ירושלים שליט"א וועט מקיים זיין די מצוה נדירה פון פדיון פטר חמור, אינאיינעם מיט די מעמד עריכת שולה"ט לכבוד חמשה עשר בשבט.
איינער פון די חשובע חסידים הרה"ח ר' יחזקאל שרגא פריעדמאן הי"ו, איז באשאנקען געווארן מיט די זעלטענע זכיה ווען עס איז געבוירן געווארן א אייזל א בכור אונטער זיין אייגענטום, און מיט די גרויסע מצוה איז ער מכבד דעם רבי'ן שליט"א במעמד קהל רב וואס וועלן קומען מיטהאלטן דעם זעלטענעם מאורע.
די גרויסע מעמד וועט פארקומען דעם דאנערשטאג פארנאכטס, נאכן טיש לכבוד חמשה עשר בשבט, די ביהמ"ד ווערט אויסגעשטעלט אויף א ספעציעלע פארנעם צו קענען אקאמאדירן די מאקסימום פלעצער פאר אלע וואס וועלן קומען מיטהאלטן דעם זעלטענעם מעמד.
