היינט דריי אזייגער נאכמיטאג וועט כ"ק אדמו"ר מוויזניץ שליט"א פון מאנסי ארויסגיין אינאיינעם מיט די בני המשפחה צום וויזניצע בית החיים אין מאנסי, וואו עס וועט פארקומען די מעמד הקמת המצבה על קברה פון מחברתו הטהורה הרבנית הצדיקת מוויזניץ זי"ע, במלאות השלושים נאך די פטירה פארלאפענעם ח' טבת.
די יום השלושים איז געווארן אפגעצייכנט דעם דאנערשטאג, אבער צוליב די שווערע וועטער וואס האט געהערשט אויף די וועגן און שטעגן, איז פארשפעטיגט געווארן די צוגרייטונגען צו שטעלן די מצבה. היינט דינסטאג איז געשטעלט געווארן די מצבה על קברה פון די רעבעצין, אינעם אהל פון איר שוויגער הרבנית הצדיקת מוויזניץ ע"ה, מחברתו הטהורה פון הרה"ק בעל תורת מרדכי מוויזניץ זי"ע, און היינט נאכמיטאג וועט דער רבי שליט"א אנקומען אינאיינעם מיט די בני המשפחה צו זאגן פרקי תהלים כנהוג צום הקמת המצבה.
