אין די לעצטערע שעות האט מען ליידער אנטדעקט א שווערע אינפעקציע ביי כ"ק אדמו"ר מקאלוב שליט"א לרפואה שלימה, דעם רבינ'ס מצב הבריאות איז נישט אזוי אמבעסטן, און דער רבי שליט"א ווערט באהאנדלט בביתו נאוה קודש דורך א געלונגענע שטאב פון דאקטוירים מיטן אויבערשטנס הילף.
היינט אויפדערנאכט קומט פאר אין מאנסי די שמחת החתונה פון א אור אייניקל ביים רבי'ן שליט"א, אייניקל ביי זיין עלטסטן איידעם כ"ק אדמו"ר מוויזניץ שליט"א פון לאנדאן, חתן כלה אייניקלעך ביים רבינ'ס פלומעניק כ"ק אדמו"ר מוויזניץ שליט"א פון מאנטריאל. אנדערש ווי געפלאנט וועט דער רבי שליט"א נישט ארויספארן קיין מאנסי צו באשיינען די שמחה, צוליב דעם רבינ'ס שוואכע געזונט צושטאנד.
אזוי אויך איז די עריכת שולחן הטהור לכבוד חמשה עשר בשבט, וואס איז באשטימט געווארן אויף מארגן נאכט ליל חמשה עשר בשבט, אויף דערווייל אפגערופן צוליב דעם רבינ'ס שוואכקייט, אידישע קינדער ווערן געבעטן צו דאווענען און מעורר זיין רחמי שמים לרפואתו השלימה פונעם רבי'ן, כ"ק מרן משה בן ריזל לרפואה שלימה.
