אין די צייט וואס עס איז פארבליבן א קארגע פאר שעה צו די זעלטן פראכטפולע מסיבה "יחידי סגולה, אין שפיץ פון כ"ק אדמו"ר מראחמיסטריווקא שליט"א, אין די זעלבע צייט ווערט קלארגעשטעלט מטעם הנהלת מוסדות ראחמיסטריווקא, אז וויבאלד די היינטיגע מעמד מפואר איז דעזיגנירט בלויז פאר די געלאדנטע געסט די יחידי סגולה, וועט נישט זיין קיין שום אפציע פאר אנדערע מענטשן זיך צו באטייליגן, און דעריבער זאל מען נישט קומען צו פארן ווען קיין איינטריט צום מעמד וועט מען במילא נישט באקומען.
ווי באריכטעט איז דעם רבינ'ס יעצטיגע באזוך אין אמעריקע געאייגענט ספעציעל פאר די יחידי סגולה, וואס העלפן דעם רבי'ן טראגן דעם שווערן עול החזקת המוסדות. צום פראכטפולע מסיבה היינט אויפדערנאכט זענען געלאדנט געווארן ארום צוויי הונדערט יחידי סגולה וואס שליסן זיך אן מיט גאר גרויסע סכומים ארויסצוהעלפן דעם רבי'ן, און פאר עטליכע שעה וועלן זיי האבן די זעלטענע זכיה צו זיצן ביים רבי'ן אין הויף, ולהיכתב בספרן של צדיקים.
