כ"ק הגה"צ גאב"ד מאקאווא שליט"א איז נעכטן דינסטאג אריבער א מעדיצינישע פראצעדור, לויט די אנווייזונגען פונעם רבינ'ס דאקטער צו פארבעסערן דעם קול און נאך פארשידענע פונקטן אינעם רבינ'ס געזונט.
היינט מיטוואך אינדערפרי איז דער רב שליט"א באפרייט געווארן פון שפיטאל בחסדי ה', און זיך אומגעקערט למעון קדשו אין קרית אתא. אין נאמען פון די משמשים בקודש איז געמאלדן געווארן אז צוליב דעם רבינ'ס ערהוילונג קען דער רבי נישט רעדן די קומענדיגע פאר טעג, און דעריבער זאל מען נישט זוכן צו איבערגעבן הזכרות פארן רבי'ן דירעקט, נאר בלויז דורכ'ן משמש בקודש וועלכער וועט אלעס איבערגעבן פערזענליך.
