מיט אומבאשרייבליכע רגשי הודאה ווערט אויפגענומען די גוטע נייעס ביי טויזענטער וויזניצע חסידים איבער די וועלט, אז אין די יעצטיגע שעות איז כ"ק אדמו"ר מוויזניץ שליט"א ב"ה באפרייט געווארן פון שפיטאל, און קערט זיך צוריק לבית האכסניא אין שטוב פון הנגיד החסיד ר' שמואל בנימין איינהארן הי"ו.
שטייענדיג אצינד מער ווי א וואך נאך די שווערע אפעראציע וואס דער רבי איז אריבער אין שפיטאל, הערט מען ב"ה פאזיטיווע גריסן אז די דאקטוירים זענען העכסט צופרידן פון די אנטוויקלונגען, דער רבי ערהוילט זיך ב"ה און די שאנסן פאר א גענצליכע ערהוילונג שטייען גאר הויעך.
אין די קומענדיגע וואכן וועט זיך דער רבי ווייטער ערהוילן בבית האכסניא אין לאס אנדזשעלעס, און מען האפט אז דער רבי זאל אין די נאנטע וואכן זיך קענען צוריקקערן אהיים קיין ארץ ישראל בבריות גופא ונהורא מעליא.
