מטעם קהל תורת חיים וויזניץ אין קייאמישע לעיק איז געמאלדן געווארן, אז לקראת יום טוב פסח הבעל"ט וועט געעפנט ווערן א נייע בית המדרש אין מאנסי פאר חסידי וויזניץ קייאמישע, זיך צו קענען פאראייניגן בשבת אחים ובדיבוק חברים, תחת דגלו והדרכתו פון כ"ק אדמו"ר מוויזניץ שליט"א פון קייאמישע.
די נייע ביהמ"ד ווערט געעפנט בברכתו ועידודו פונעם וויזניצער רבי'ן שליט"א פון קייאמישע, און מיט די פולסטע שטיצע פון אחיו הגדול כ"ק אדמו"ר מוויזניץ שליט"א פון מאנסי, די ביהמ"ד וועט זיין סטאנציאנירט אויף צייטווייליג אין די בנין פון ישיבת כתר תורה ביים ווינקל פון בלאוועלט ראוד און רוט 306, ביז עס וועט פארטיג ווערן די רענאוואציע ארבעט ביי א קביעות'דיגע בנין וואס מען האט לעצטנס אפגעקויפט, צו אוועקשטעלן דעם בית המדרש אין א משכן קבע.
