כ"ק אדמו"ר מסקאליע שליט"א איז די נאכט ארויסגעפארן אויף א בליץ נסיעה קיין עיר הבירה וויען אין עסטרייך, צו פוקד זיין דעם ציון הק' פון זקינו הרה"ק רבי ברוך פנחס מסקאליע זי"ע, וועלכער האט זיך באזעצט אין שטאט וויען דורכאויס די ערשטע וועלט מלחמה, ושם מנוחת כבודו אויפן צענטראלן אידישן בית עלמין אין שטאט וויען.
דער רבי שליט"א האט אונטערגענומען דעם קורצן נסיעה, שטייענדיג עטליכע וואכן בעפאר די שמחת החתונה פונעם יונגסטן קינד, וואס קומט פאר קומענדיגן חודש סיון בעיר ואם בישראל בארא פארק. דער רבי איז ארויסגעפארן אין באגלייטונג פון בנו החתן און די משמשים בקודש, און וועט זיך אומקערן צוריק אהיים קיין בארא פארק מארגן דינסטאג בעז"ה, באגלייט מיט השפעות טובות וישועות.
