אידישע קינדער איבער די וועלט ווערן געבעטן צו מתפלל זיין און מעורר זיין רחמי שמים לרפואת כ"ק אדמו"ר מספינקא שליט"א, וועלכער איז אפגעפירט געווארן אין שפיטאל אויפן ראט פון די דאקטוירים, נאך וואס דער רבי שליט"א ליידט פון א שווערע לונגען אנטצינדונג וואס פארשווערט דאס אטעמען.
דער רבי שליט"א איז אריין אין שפיטאל נעכטן דאנערשטאג זייענדיג ערנסט אפגעשוואכט, נאכן דורכפירן די נויטיגע אונטערזוכונגען האבן די דאקטוירים פעסטגעשטעלט אז דער רבי ליידט פון א לונגען אנטצינדונג, און וועט דארפן פארבלייבן איבער שבת אין שפיטאל. אידישע קינדער זענען מתפלל לרפואת כ"ק מרן נפתלי צבי בן פערל בתוך שאר חולי ישראל.
היינט כ"ה אייר קומט אויס די זיבן און זיבעציגסטע יום הולדת פונעם רבי'ן, ספינקא חסידים טוען אין דעם טאג מתפלל זיין דער רבי זאל מאריך ימים ושנים זיין בבריות גופא ונהורא מעליא.
