אידישע קינדער בכל מקומות מושבותיהם זענען איינגעהילט אין זארג איבער די שווערע מצב הבריאות ביי כ"ק אדמו"ר מקאלוב שליט"א, וועלכער איז די נאכט געווארן אפגעפירט אין שפיטאל אין א קריטישע צושטאנד, אנגעוויזן אויף דריגענדע באהאנדלונגען אין שפיטאל.
דער רבי שליט"א איז מיט צוויי וואכן צוריק אריבער א קאמפליצירטע אפעראציע אינעם ווייטן מעיא קליניק אין ראטשעסטער מינעסאוטע, מיטן אויבערשטנס הילף האט זיך דער רבי ערהוילט און צוריק אהיימגעקומען צום טיפן פרייד פון אלע חסידים, אבער נעכטן ביינאכט האט מען אנדעקט א שווערע בלוטיגונג דארט אויפן פלאץ וואס האט באלד דערקלערט דעם רבינ'ס מצב אלס קריטיש, און מען איז שנעל אריינגעפארן צו די קאלאמביע שפיטאל אין מאנהעטן.
אין לויף פון די נאכט האבן די דאקטוירים אין שפיטאל שווער געארבעט צו סטאביליזירן דעם רבינ'ס מצב און אפשטעלן דאס בלוטיגונג, אינמיטן נאכט האט מען דורכגעפירט א פראצעדור מיט הצלחה ב"ה, און בחסדי ה' איז די מצב עטוואס רואיגער ווי אנהייב נאכט, אבער מען איז נאך אלס אנגעוויזן אויף גרויס רחמי שמים.
אידישע קינדער זענען מתפלל לרפואת כ"ק מרן משה בן ריזל לרפואה שלימה, בתוך שאר חולי ישראל, לקיים בנו חכמי ישראל.
