ווי באריכטעט איז כ"ק אדמו"ר מקארלין סטאלין שליט"א געבליבן געשטראנדעט דעם שבת אין קפריסין, נאך וואס דער רבי איז געווען צוגאסט אין אוקראינע לרגל די יומא דהילולא קדישא פון זקינו דער הייליגער בית אהרן פון קארלין זי"ע, און האט נישט געקענט אהיימפארן צוליב די מצב המלחמה אין ארץ ישראל ווען די לופטפעלד איז פארשלאסן.
היינט זונטאג האבן די עסקנים אויסגעשטעלט א זעלטן ספעציעלער וועג פארן רבי'ן צו קענען אהיימפארן, דער רבי איז ארויסגעפארן מיט א פליגער פון קפריסין קיין שארם א שייח, וואס געפונט זיך אונטער עגיפטישע הערשאפט. דארט איז געווארן צוגעשטעלט פארן רבי'ן א ערנסטע זיכערהייט באגלייטונג פון וואו דער רבי איז ארויסגעפארן צום ארץ ישראל'דיגע ווינקל ביי אילת.
אצינד געפונט זיך שוין דער רבי אין ארץ ישראל, און פארט דעם פיר שעה'דיגן וועג פון אילת קיין גבעת זאב, וואו דער רבי וועט זיך בעז"ה אומקערן למעון קדשו אין א מזל'דיגע שעה.
