אין די יעצטיגע טעג האבן די עסקנים בביתו נאוה קודש פון כ"ק אדמו"ר מסקווירא שליט"א אונטערגענומען א פרישע פראיעקט, צו פראכטפול איבערבויען די פראווע צימער פונעם רבי'ן שליט"א בביתו נאוה קודש, צו פארגרינגערן פארן רבי'ן שליט"א און די משמשים בקודש, אין די עבודת הקודש בחיי יום יום.
די רענאוואציע ארבעט איז אונטערגענומען געווארן נאך וואס כ"ק אדמו"ר מסקווירא שליט"א האט זיך ארויסגעלאזט אין וועג קיין קאליפארניע, וואו דער רבי וויילט אויף אפרוה די קומענדיגע דריי וואכן, מיטן האפענונג אז ווען דער רבי קערט זיך צוריק אהיים וועט עס שוין זיין פולקאם גרייט מיטן אויבערשטנס הילף.
און אזוי אין די יעצטיגע טעג ווען דער רבי איז נישט אינדערהיים, טוט מען אהערשטעלן פארשידענע נייע איינריכטונגען ביים רבי'ן אין שטוב, וואס קען שטארק ארויסהעלפן די גאנצע הלוך ילך, אין די צייט וואס טויזענטער אידן דרייען זיך דורך דעם רבינ'ס שטוב אויף א קביעות'דיגע פארנעם, מיט די מערערע מעמדים און זמני קבלת קהל בקודש פנימה.
