א אייגענארטיגע בריוו ערשיינט היינט דורך די בית דין צדק אין קרית צאנז נתניה, וואו די רבני הקהילה אין חצר הקודש צאנז אפעלירן צום ציבור חסידים אויסצופאלגן די הוראות אנבאלאנגט חסידישע נגינה ביי שמחות, מיטן אוועקשטעלן א נייע תקנה וואס פארלאנגט אלע בעלי שמחה צו באשטעלן בלויז ערליכע בעלי מנגנים, וואס זענען מאושר דורך די ספעציעלע וועד וואס גיבט זיך אפ דערמיט.
די רבנים שרייבן אז נאך די הוראת הקודש צו מעורר זיין איבער כלי זמר און ניגונים, די היימישע חתונות זאלן שטימען מיט די סטאנדארטן פון א אידישע חסידישע שמחה באגלייט מיט יראת שמים, ווערט פארלאנגט פון יעדן מחותן וואס מאכט חתונה אנגעהויבן פון קומענדיגן ווינטער תשפ"ו, צו באשטעלן בלויז אזעלכע מוזיקאנטן וואס פארמאגן דעם אישור פון די רבני הקהילה.
איבער דעם האבן די רבנים ארויסגעגעבן די הוראה פאר אלע זאל אייגענטומער אין קרית צאנז, אז עס איז נישט ערלויבט ארויסצוגעבן די זאלן פאר שמחות, בלויז אויב די בעלי שמחה קומען נאך די תקנה פון ערליכע בעלי מנגנים, און בלויז אויפן ערליכן חסידישן שטייגער קען מען פראווענען א חתונה אינעם קרית מלך רב.
אויפן בריוו האבן אונטערגעשריבן עטליכע דייני קהילה קדושה צאנז, און הגה"צ רבי יוסף משה דוב האלבערשטאם שליט"א רב חסידי צאנז אין אמעריקע וראש ישיבת צאנז, בשליחות הקודש פון אביו הגדול כ"ק אדמו"ר מצאנז שליט"א.
