נעכטן מאנטאג פרשת מטות מסעי איז כ"ק אדמו"ר מביאלא שליט"א אנגעקומען אויף א קורצע באזוך אין מאנטשעסטער, צו באשיינען די שמחת הבר מצוה בבית מחותנו הרב יהודה איסלער הי"ו, ביי וועם דעם רבינ'ס זון המנוח ר' ישראל אברהם משה ראבינאוויטש ע"ה וועלכער איז נפטר געווארן מיט צוויי יאר צוריק אין א טראגישע עקסידענט, איז געווען אן איידעם.
דער רבי שליט"א וועלכער האט זיך אויפגעהאלטן די לעצטע וואך צייט אין שטאט קאנוועי אין איטאליע אויף אפרוה, איז ארויסגעפארן מאנטאג אינדערפרי פון איטאליע קיין מאנטשעסטער, אין לופטפעלד האבן אפגעווארט דעם רבי'ן דער מחותן ר' יהודה איסלער הי"ו, אינאיינעם מיט דעם רבינ'ס אייניקל א קליין קינד.
זייענדיג אין מאנטשעסטער האט דער רבי באזוכט ביי אחיו הגדול הגה"צ ר' לייבוש ראבינאוויטש שליט"א אבד"ק שערי מרדכי אין די פרעסוויטש געגנט, און דורכאויס די טאג האט דער רבי געדאווענט די תפילות בבית מדרשו פונעם ברודער. ביינאכט האט דער רבי באשיינט די שמחת הבר מצוה און משמיע געווען דברות קודש, און דערנאך ארויסגעפארן אויפן וועג צוריק אהיים קיין ארץ ישראל.
